ایم کیو ایم لیاقت آباد سیکٹر یونٹ 158 کے کارکن محمد آصف کی شہادت پر قائد تحریک الطاف حسین کا اظہار افسوس

لندن۔۔۔8اگست 2014ء

متحد ہ قومی موومنٹ کے قائد الطاف حسین نے نامعلوم مسلح دہشتگردوں کی فائرنگ کے نتیجے میں ایم کیو ایم لیاقت آبا د سیکٹر یونٹ 158کے کارکن محمد آصف ولد محمد اسحاق کی المناک شہادت پر گہرے دکھ اور افسوس کا اظہار کیا ہے ۔ جناب الطاف حسین نے محمد آصف شہید کے اہل خانہ اور تمام سوگواران سے دلی ہمدردی کا اظہار کرتے ہوئے کہا کہ مجھ سمیت ایم کیو ایم کے تمام کارکنان غم کی اس گھڑی میں سوگوار لواحقین کے ساتھ برابر کے شریک ہیں ۔جناب الطاف حسین نے دعا کی کہ اللہ تعالیٰ محمد آصف شہید کے درجات بلند کر کے انہیں اپنے جوار رحمت میں جگہ عطا فرمائے اور لواحقین کو یہ صدمہ برداشت کرنے کی ہمت عطا کرے ۔