معروف ماہرتعلیم میڈم انیتا غلام علی کے انتقال پرقائد ایم کیوایم الطاف حسین کااظہار تعزیت

لندن۔۔۔8، اگست2014ء

متحدہ قومی موومنٹ کے قائد جناب الطاف حسین نے معروف ماہرتعلیم میڈم انیتا غلام علی کے انتقال پر گہرے دکھ اور افسوس کااظہار کیا ہے ۔ ایک تعزیتی بیان میں جناب الطاف حسین نے کہاکہ میڈم انیتا غلام علی ایک مشفق استاد ،انسان دوست شخصی اورہرایک کے دکھ درد میں کام آنے والی شخصیت تھیں۔ تعلیم کے فروغ ،طلباء کے حقوق، انسانی حقوق کی جدوجہد اور جمہوریت کے استحکام کیلئے مرحومہ کی خدمات کو فراموش نہیں کیاجاسکتا۔ جناب الطاف حسین نے کہاکہ مرحومہ اپنی ذات میں ایک ادارہ تھیں،ان کے انتقال سے ملک ایک انتہائی اعلیٰ یونیورسٹی سے محروم ہوگیاہے اوران کے انتقال سے تعلیم کے شعبہ میں پیداہونے والے خلاء کو پُر کرنے میں شائد برسوں لگیں۔جناب الطاف حسین نے مرحومہ کے سوگوارلواحقین سے دلی تعزیت وہمدردی کااظہار کرتے ہوئے کہاکہ دکھ کی اس گھڑی میں مجھ سمیت ایم کیوایم کے تمام کارکنان آپ کے غم میں برابر کے شریک ہیں۔ جناب الطاف حسین نے دعا کی کہ اللہ تعالیٰ مرحومہ کے درجاب بلند فرمائے، انہیں جنت الفردوس میں اعلیٰ مقام عطا کرے اور سوگوارلواحقین کو صبرجمیل عطا کرے ۔(آمین)