رابطہ کمیٹی نے نثار پنہور کو ذاتی مصروفیات کے پیش نظر رابطہ کمیٹی کی رکنیت سے سبکدوش کردیا، ایم کیوایم اعلامیہ
اب نثار پنہور سندھ تنظیمی کمیٹی کے رکن کی حیثیت سے تنظیمی فرائض انجام دیں گے
قائد تحریک الطاف حسین نے رابطہ کمیٹی کے فیصلہ کی توثیق کردی ہے
نثار پنہور گزشتہ چند ماہ سے اپنی ذاتی مصروفیات کے باعث رابطہ کمیٹی کے رکن کی حیثیت سے اپنی ذمہ داریاں پوری نہیں کر پارہے تھے
کراچی۔۔۔7، اگست2014ء
متحدہ قومی موومنٹ کی رابطہ کمیٹی نے سابق حق پرست رکن سندھ اسمبلی اور رابطہ کمیٹی کے رکن نثار پنہور کو ان کی ذاتی مصروفیات کے پیش نظر رابطہ کمیٹی کی رکنیت سے سبکدوش کرکے ان کی ذمہ داریاں ایم کیوایم کی سندھ تنظیمی کمیٹی میں لگانے نے کا فیصلہ کیا ہے، اب نثار پنہور سندھ تنظیمی کمیٹی کے رکن کی حیثیت سے تنظیمی فرائض انجام دیں گے ۔ قائد تحریک جناب الطاف حسین نے اس فیصلہ کی توثیق کردی ہے ۔
واضح رہے کہ نثار پنہور گزشتہ چند ماہ سے اپنی بڑھتی ہوئی ذاتی مصروفیات کے باعث رابطہ کمیٹی کے رکن کی حیثیت سے اپنی ذمہ داریاں پوری نہیں کرپارہے تھے ۔ رابطہ کمیٹی نے نثار پنہور کیلئے نیک خواہشات کا اظہار کرتے ہوئے دعا کی کہ اللہ تعالیٰ ان کے ذاتی مسائل حل کرے تاکہ وہ دوبارہ تحریکی سرگرمیوں میں بڑھ چڑھ کر حصہ لے سکیں ۔