قراقرم یونیورسٹی کے طلبہ وطالبات کے وفدکی اے پی ایم ایس اوکے ذمہ داران کے ہمراہ سیدحیدرعباس رضوی وراسلم آفریدی سے ملاقات

گلگت ۔۔۔6 اگست 2014ء

گلگت میں آل پاکستان متحدہ اسٹوڈینٹس آرگنائزیشن قراقرم یونیورسٹی کے انچارج عمارسریاحیات ودیگراراکین کے ہمراہ قراقرم یونیورسٹی کے طلبہ وطالبات کے وفدنے گلگت کے تنظیمی دورے پرآئے ہوئے متحدہ قومی موومنٹ کی را بطہ کمیٹی کے ارکان سیدحیدرعباس رضوی وراسلم آفریدی سے ملاقات کی اوررابطہ کمیٹی کے ارکان کوگلگت میں اے پی ایم ایس اوکی جدوجہد، طلبہ وطالبات میں شعوربیداری اوریونیورسٹی میں طلبہ وطالبات کودرپیش مسائل سے رابطہ کمیٹی کے ارکان کوآگاہ کیا۔ملاقات میں طلبہ وطالبات کی کثیرتعداد موجودتھے۔ملاقات میں ملک کی سیاسی صورت حال سمیت قائدتحریک جناب الطاف حسین کے فکروفلسفے اورتحریک میں طلبہ کے کردارپرتفصیلی تبادلہ خیال کیاگیا۔اس موقع پرسید حیدر عباس رضوی اوراسلم آفریدی نے طلبہ وطالبات کودرپیش مسائل کوغورسے سنااورگلگت کے طلبہ وطالبات میں شعوربیداری اورتیزی سے پھیلتے ہوئے اے پی ایم ایس او کے تنظیمی کام کو سراہتے ہوئے کہاکہ نوجوان طبقہ ہی قائدتحریک الطاف حسین کی طاقت کاسرچشمہ ہیں،جناب الطاف حسین نے پڑھے لکھے اورباصلاحیت نوجوانوں کوملک کے اعلیٰ ایوانوں میں بھیج کرسب سے پہلے ملک میں انقلاب کی بنیادرکھ دی ہے ۔ انہوں نے کہاکہ آج ملک جن بحرانوں اورمسائل کاشکارہیں نوجوان طبقہ ہی ملک کوان سے نجات دلاسکتے ہیں۔انہوں نے کہا کہ قائدتحریک نے جامعہ کراچی میں طلبہ وطالبات کودرپیش مسائل کے حل کے لئے اے پی ایم ایس اوکی شکل میں طلبہ تنظیم بنیادرکھی جس کادائرہ گلگت تک پھیل چکاہے ۔انہوں نے قراقرم یونیورسٹی کے تمام طلبہ وطالبات کوقائدتحریک جناب الطاف حسین کی ہائشگاہ نائن زیرودورے کی دعوت بھی دی ۔