پشاورمیں مسلح افرادکی فائرنگ سے سکھ تاجرکی ہلاکت کا واقعہ قابل مذمت ہے ۔رابطہ کمیٹی ایم کیوایم

کراچی۔۔۔6 اگست 2014ء

متحدہ قومی موومنٹ کی رابطہ کمیٹی نے پشاورمیں مسلح افرادکی فائرنگ سے ایک سکھ تاجرکی ہلاکت کے واقعہ کی شدیدمذمت کی ہے ۔اپنے ایک بیان میں رابطہ کمیٹی نے کہاکہ گزشتہ دنوں گوجرانوالہ میں احمدیوں کے گھروں پر حملے کرکے خاتون اوربچوں سمیت کئی افرادکوزندہ جلادیاگیاتھااورآج پشاورمیں مسلح افرادنے سکھ تاجروں پرفائرنگ کردی جس سے ایک تاجرجاں بحق ہوگیا۔رابطہ کمیٹی نے اس واقعہ کی شدیدمذمت کرتے ہوئے کہاکہ گزشتہ دنوں بھی ایک ایسے ہی واقعہ کے خلاف سکھ کمیونٹی نے پارلیمنٹ ہاؤس پراحتجاج کیاتھااوراب پھر یہ واقعہ رونماہواہے جس کے باعث سکھ کمیونٹی میں شدیداشتعال پایاجاتاہے۔رابطہ کمیٹی نے کہاکہ اس طرح کے واقعات پاکستان میں آبادمذہبی اقلیتوں میں عدم تحفظ کے احساس کوبڑھارہے ہیں لہٰذا ضرورت اس بات کی ہے کہ اس طرح کے واقعات کی روک تھام کی جائے اوراقلیتوں کوتحفظ فراہم کیاجائے۔ رابطہ کمیٹی نے مطالبہ کیاکہ پشاورمیں سکھ تاجرکے قاتلوں کوگرفتارکیاجائے۔ رابطہ کمیٹی نے مقتول تاجرکے لواحقین سے دلی تعزیت اورہمدردی کااظہارکیا۔