لیاقت آباد ایف سی ایریا میں مسلح دہشت گردوں کی فائرنگ سے دو افراد کی بہیمانہ ہلاکت کا واقعہ فرقہ وارانہ ٹارگٹ کلنگ کا تسلسل ہے۔ رابطہ کمیٹی متحدہ قومی موومنٹ

کراچی۔۔۔5 اگست 2014ء

متحدہ قومی موومنٹ کی رابطہ کمیٹی نے لیاقت آبادایف سی ایریامیں مسلح دہشت گردوں کی فائرنگ سے دوافرادکی بہیمانہ ہلاکت کے واقعہ کی شدید مذمت کی ہے ۔ اپنے ایک بیان میں رابطہ کمیٹی نے کہاکہ لیاقت آبادمیں ہونے والا یہ واقعہ فرقہ وارانہ ٹارگٹ کلنگ کاتسلسل ہے۔ رابطہ کمیٹی نے کہاکہ شہربھرمیں ٹارگٹڈآپریشن کے نام پر ایم کیوایم کے بے گناہ کارکنوں اورعہدیداروں کوتوروزانہ کی بنیاد پر گرفتار کیا جارہا ہے اورانہیں مختلف جھوٹے مقدمات میں ملوث کیاجارہاہے لیکن کالعدم جہادی تنظیموں کے دہشت گردوں کوکھلی چھوٹ حاصل ہے جو شہر میں ایک مخصوص فقہ کے ماننے والے علما، ذاکرین،دانشوروں، پروفیسروں،وکلاء، تاجروں،دکانداروں اوردیگرافرادکوچن چن کر روزانہ قتل کررہے ہیں لیکن انہیں گرفتارنہیں کیاجارہاہے۔رابطہ کمیٹی نے کہاکہ آج شہرکا ہرفردیہ سوال کرنے میں حق بجانب ہے کہ شہر میں جاری ٹارگٹڈآپریشن کے باوجود فرقہ وارانہ ٹارگٹ کلنگ کاسلسلہ رکنے کانام کیوں نہیں لے رہاہے۔رابطہ کمیٹی نے لیاقت آباد ایف سی ایریامیں مسلح دہشت گردوں کی فائرنگ سے جاں بحق ہونے والے دودکانداروں کے لواحقین سے دلی تعزیت کا اظہار کیا اور دعاکی کہ اللہ تعالیٰ جاں بحق ہونے والوں کی مغفرت فرمائے اورلواحقین کوصبرجمیل عطاکرے۔رابطہ کمیٹی نے مطالبہ کیا کہ کراچی میں فرقہ وارانہ دہشت گردی کرنے والے کالعدم تنظیموں کے دہشت گردوں کوگرفتارکیاجائے۔رابطہ کمیٹی نے عوام سے ایک بارپھراپیل کی کہ وہ اپنی صفوں میں اتحاداورفرقہ وارانہ ہم آہنگی برقراررکھیں اور شہرکے عوام کوفرقہ وارانہ بنیادپر تقسیم کرنے اورآپس میں لڑانے کی سازشیں ناکام بنادیں۔