رابطہ کمیٹی نے بدھ کی شام ایم کیوایم کے تمام پارلیمانی گروپ کا ہنگامی اجلاس طلب کرلیا
اجلاس سے ایم کیوایم کے قائد جناب الطاف حسین ٹیلی فون پر خطاب کریں گے
ایم کیوایم کے اراکین سینیٹ اور قومی اسمبلی کو فوری طور پر اسلام آباد سے کراچی طلب کرلیا گیا
اجلاس میں رابطہ کمیٹی کے تمام اراکین، حق پرست اراکین سندھ اسمبلی اورسینٹرل ایگزیکٹوکونسل کے اراکین بھی شریک ہوں گے
کراچی۔۔۔5، اگست2014ء
متحدہ قومی موومنٹ نے ملک کی موجودہ سیاسی صورتحال کے پیش نظر رابطہ کمیٹی نے ایم کیوایم کے تمام پارلیمانی گروپ کا ہنگامی اجلاس طلب کرلیاہے ۔اجلاس سے ایم کیوایم کے قائد جناب الطاف حسین بھی ٹیلی فون پر خطاب کریں گے ۔ یہ اجلاس کل بروز بدھ پاکستانی وقت کے مطابق شام 4 بجے خورشید بیگم میموریل سیکریٹریٹ عزیزآبادمیں منعقد ہوگا۔ اس سلسلے میں ایم کیوایم حق پرست اراکین سینیٹ اور قومی اسمبلی کو فوری طور پر اسلام آباد سے کراچی طلب کرلیا گیا ہے ۔ اجلاس میں اراکین سینیٹ اور قومی اسمبلی کے علاوہ رابطہ کمیٹی کے اراکین، حق پرست اراکین سندھ اسمبلی اورسینٹرل ایگزیکٹوکونسل کے اراکین بھی شریک ہوں گے ۔