ایم کیو ایم لانڈھی سیکٹرکے کارکن محمد عامر کی شہادت پرقائد تحریک الطاف حسین کا اظہار افسوس

لندن۔۔۔3اگست2014ء

متحدہ قومی موومنٹ کے قائد تحریک الطاف حسین نے ایم کیو ایم لانڈھی سیکٹر یونٹ90کے کارکن محمد عامر کی شہادت پر گہرے دکھ اور افسوس کاا ظہار کیا ہے جبکہ زخمی ہونے والے کارکن محمد فرید کی جلد و مکمل صحتیابی کیلئے بھی دعا کی۔اپنے تعزیتی بیان میں جناب الطاف حسین نے شہید کے تمام سوگوار لواحقین سے دلی تعزیت و ہمدردی کا اظہار کرتے ہوئے کہا کہ دکھ کی اس گھڑی میں مجھ سمیت ایم کیو ایم کے تمام کارکنان آپ کے غم میں برابر کے شریک ہیں۔جناب الطاف حسین نے اللہ تعالیٰ کے حضور دعا کی کہ شہید کو جنت الفردوس میں اعلیٰ مقام عطا فرمائے اور لواحقین کو صبر جمیل عطاکرے۔