قائد تحریک الطاف حسین کی ایم کیو ایم کے کارکنان اور اہل وطن کو عید الفطر کی مبارک باد

لندن۔۔۔29جولائی2014ء

متحد ہ قومی موومنٹ کے قائد الطاف حسین نے تمام کارکنان اوراہل وطن کو عید الفطر کی دلی مبارک باد پیش کی ہے ۔جناب الطاف حسین نے عید کے پہلے روز نائن زیرو پرموجود اراکین رابطہ کمیٹی ، حق پرست اراکین قومی وصوبائی اسمبلی اور مختلف شعبہ جات کے ذمہ داران سے ٹیلی فونک گفتگو کرتے ہوئے رابطہ کمیٹی کے اراکین و دیگر ذمہ داران کو ہدایت کی کہ وہ عید الفطر کی خوشیوں میں حق پرست شہدا ء، لاپتہ اور اسیر کارکنان کے اہل خانہ کو بھی یاد رکھیں اور انہیں عید کی خوشیوں میں شریک کریں ۔ جناب الطاف حسین نے دعا کی کہ اللہ تعالیٰ حق پرست رکن قومی اسمبلی طاہرہ آصف شہید، نائلہ منیرکے شوہر منیر قادری اور تمام حق پرست شہدا ء کے درجات بلند فرما کر انہیں اپنے جوار رحمت میں جگہ دے اور ملک کے قبائلی علاقوں میں جاری آپریشن ضرب عضب میں ملک کی مسلح افواج کو فتح و نصرت سے ہمکنار کرے ۔