عید الفطر کے موقع پر کراچی میں موٹر سائیکل کی ڈبل سواری پر پابندی کے حکومتی اقدام پرحق پرست اراکین سندھ اسمبلی کا اظہار تشویش
شہریوں کی بڑی تعداد عید کی خریداری اور مختلف امور کی انجام دہی کے لئے ڈبل سواری پرسفر کرتی ہے
عید کے موقع پر شہر میں ڈبل سواری پر پابندی لگانے سے شہریوں کی مشکلات میں اضافہ ہوگا
ارباب اختیار عید الفطر کے موقع پر شہر میں موٹر سائیکل کی ڈبل سواری پر پابندی کے فیصلے پر نظر ثانی کر کے فیصلے کو عوامی مفاد میں فی الفورواپس لیں
کراچی ۔۔۔۔27جولائی2014ء
متحدہ قومی موومنٹ کے اراکین سندھ اسمبلی نے عیدالفطر کے موقع پر کراچی میں موٹر سائیکل کی ڈبل سواری پر پابندی کے حکومتی اقدام کو افسوس ناک قرار دیا ہے۔ ایک بیان میں حق پرست اراکین صوبائی اسمبلی نے کہا کہ عیدالفطر کے موقع پر شہریوں کی بڑی تعداد خریداری کی غرض سے موٹر سائیکل کی سواری کرتی ہے اور مختلف امور کی انجام دہی کے لئے ڈبل سواری پر سفر کرتی ہے لیکن عین عید کے موقع پر شہر میں ڈبل سواری پر پابندی لگانے سے عام شہریوں کی مشکلات میں اضافہ ہوگا اور عید کی خریداری و دیگر امور کی انجام دہی میں شدید دشواری پیش آئے گی۔حق پرست اراکین صوبائی اسمبلی نے گورنر سند ھ ڈاکٹر عشرت العباد، وزیر اعلیٰ سندھ سید قائم علی شاہ اور قائم مقام آئی جی سندھ پولیس سے مطالبہ کیا ہے کہ وہ عیدالفطر کے موقع پر شہر میں موٹر سائیکل کی ڈبل سواری پر پابندی کے اپنے فیصلے پر نظر ثانی کر کے عید پر موٹر سائیکل کی ڈبل سواری پر پابندی لگانے کے فیصلے کو عوامی مفاد میں فی الفورواپس لیں ۔