اے پی ایم ایس او کی میٹرک سائنس اور جنرل گروپ کے سالانہ امتحانات میں نمایاں پوزیشن حاصل کرنے پرطلبہ وطالبات کو مبارک باد
کامیاب طالبعلم اعلیٰ تعلیم کے حصول کے ساتھ ساتھ ملک میں تعلیم کے فروغ کے لئے بھی کرداراداکریں گے
اور ملک کوپڑھی لکھی ،قابل اورپرخلوص قیادت فراہم کریں گے
کراچی ۔۔۔۔26جولائی2014ء
آل پاکستان متحدہ اسٹوڈینٹس آ رگنائزیشن کے انچارج و اراکین مرکزی کابینہ نے میٹرک سائنس و جنرل گروپ کے سالانہ امتحانات میں پہلی دوسری اورتیسری پوزیشن حاصل کرنے والے طلبا ء وطالبات کومبارک باد پیش کی ہے اورامیدظاہرکی ہے کہ وہ آئندہ بھی اس روایات کوبرقراررکھتے ہوئے اپنی علمی صلاحیتوں کو استعمال کرکے اپنے والدین اور وطن عزیز کا نام دنیا بھر میں روشن کرینگے۔مرکزی کابینہ نے کہاکہ علم ہی وہ راستہ ہے جس کے ذریعے ہم اقوام عالم میں سراٹھاکرجی سکتے ہیں،قدم سے قدم ملاکرچل سکتے ہیں اورملک میں خواندگی میں اضافے سے جاگیردارانہ نظام کمزوراورجمہوریت مضبوط ہوگی۔مرکزی کابینہ نے کہاکہ ہم امتیازی نمبروں سے امتحانات میں کامیاب ہونے والے طالبعلم سے امیدرکھتے ہیں کہ وہ خوداعلیٰ سے اعلیٰ تعلیم کے حصول کے ساتھ ساتھ ملک میں تعلیم کے فروغ کے لئے بھی کرداراداکرکے ملک کوپڑھی لکھی ،قابل اورپرخلوص قیادت فراہم کریں گے۔
*****