متحدہ قومی موومنٹ کے نمائندہ وفد کا سینئر صحافی و تحریک پاکستان کے رکن مجید نظامی کی نمازہ جنازہ میں شرکت
صحافی مجید نظامی مرحوم نے اپنی پوری زندگی آزادی صحافت کی جدوجہد میں گزار ی اور انکے انتقال سے صحافت کی دنیا جو خلا پیدا ہواہے کہ کبھی پر نہیں کیا جاسکتا ہے، رکن رابطہ کمیٹی عبدالحسیب
لاہور ۔۔۔26جولائی 2014ء
متحدہ قومی موومنٹ کے نمائندہ وفد نے سینئر صحافی و تحریک پاکستان کے رکن مجید نظامی کی نمازہ جنازہ میں شر کت۔ نماز جنازہ میں ایم کیوایم کی رابطہ کمیٹی کے رکن و صو بائی وزیر عبدالحسیب ، صوبائی تنظیمی کمیٹی پنجاب کے انچارج ارشادظفیر ،سینٹرل پنجاب کے صدر عامر بلوچ ،سینٹرل پنجاب کے سینئر نائب صدر اقبال قریشی و دیگر ذمہ داران وکارکنان بھی ان کے ہمراہ موجود تھے۔رکن رابطہ کمیٹی عبدالحسیب نے مرحوم کی صحافتی خدمات کو سراہتے ہوئے ان کو خراج عقیدت پیش کیا اور کہاکہ سنیئر صحافی مجید نظامی مرحوم نے اپنی پوری زندگی آزادی صحافت کی جدوجہد میں گزار ی اور انکے انتقال سے صحافت کی دنیا جو خلا پید ا ہو اہے کہ کبھی پر نہیں کیا جاسکتا ہے اور ان کی صحافتی خدمات کو ہمیشہ یاد رکھا جائے گا۔ اس مو قع پر دعا کی گئی کہ اللہ تعالی مجید نظامی مرحوم کو جنت الفردوس میں اعلیٰ مقام عطا فرمائے اور سوگواران کویہ صدمہ برداشت کرنے کاحوصلہ دے ۔ (آمین)