سینئر صحافی مجید نظامی کے انتقال پر قائد ایم کیوایم الطاف حسین کا اظہار تعزیت
مجید نظامی کے انتقال سے مجھے ذاتی طور پر صدمہ پہنچا ہے، الطاف حسین
مجھ سمیت ایم کیوایم کے تمام کارکنان سوگوار لواحقین کے غم میں برابر کے شریک ہیں، الطاف حسین
لندن۔۔۔26، جولائی2014ء
متحدہ قومی موومنٹ کے قائد جناب الطاف حسین نے سینئر صحافی مجید نظامی کے
انتقال پر گہرے دکھ اور افسوس کا اظہار کیا ہے۔ ایک تعزیتی بیان میں جناب
الطاف حسین نے مرحوم کی صحافتی خدمات کو سراہتے ہوئے کہاکہ مجید نظامی کے
انتقال سے مجھے ذاتی طورپر صدمہ پہنچا ہے ۔ جناب الطاف حسین نے مرحوم کے
سوگوارلواحقین سے دلی تعزیت وہمدردی کرتے ہوئے کہاکہ مجھ سمیت ایم کیوایم
کے تمام کارکنان آپ کے غم میں برابر کے شریک ہیں۔ انہوں نے دعا کی کہ اللہ
تعالیٰ مجید نظامی مرحوم کو جنت الفردوس میں اعلیٰ مقام عطا فرمائے اور
سوگواران کویہ صدمہ برداشت کرنے کاحوصلہ دے ۔ (آمین)