حق پرستی کی جدو جہد اندرون سندھ سمیت ملک کے کونے کونے میں پھیل چکی ہے ، یوسف شاہوانی

جامشورو۔۔۔17جولائی2014ء

متحدہ قومی موومنٹ جامشورو زو ن کے زیر اہتمام سندھ سوشل سیکورٹی اسپتال کوٹری سٹی لا ن میں کوٹری سٹی و سائٹ کوٹری کے مختلف شعبہ ہائے زندگی سے تعلق رکھنے والے افراد کے اعزاز میں افطا ر ڈنر کا انعقاد کیا گیا۔ ایم کیو ایم رابطہ کمیٹی کے رکن یوسف شاہوانی نے ا فطار ڈنر کے موقع پر شرکاء سے گفتگو کرتے ہوئے کہا کہ جناب الطا ف حسین نے کراچی کی ایک جامعہ سے حق پرستی کی جدو جہد کا آغاز کیا تھا جو اندرون سندھ سمیت آج ملک کے کونے کونے میں پھیل چکی ہے اور الطاف حسین کے چاہنے والے ملک بھر میں بلا امتیاز انسانیت کی خدمت کر رہے ہیں۔رکن رابطہ کمیٹی نے کہا کہ اب ملک کے غریب و مظلوم عوام با شعور ہوچکے ہیں اور جوق در جوق حق پرستی کی جدو جہد کا حصہ بن رہے ہیں اور وہ دن دور نہیں جب پورے پاکستان میں حق پرستی کا پرچم لہرائے گا اور غریب و مظلوم عوام کا انقلاب آ ئے گا۔ اس موقع پر معا ون رابطہ کمیٹی جاوید کاظمی، ایم کیو ایم کی سندھ تنظیمی کمیٹی کے انچارج عمر قریشی و اراکین حق پرست رکن صوبائی اسمبلی سیدوسیم حسین،جامشورو زون کے انچارج ایوب خان ، ایم کیو ایم جامشورو زون کے کارکنان سمیت خواتین ،بچوں اور حق پرست عوام کی بڑی تعداد نے شرکت کی ۔ اس موقع پر افطار کے بہترین انتظامات کئے گئے تھے جبکہ جامشورو زون کی زونل کمیٹی کے رکن سید زوالفقار نے تلاو ت قرآن پاک اور رضوان شاہ نے نظامت کے فرائض انجام دئیے۔