ایم کیوایم غریب و متوسط طبقے کی جماعت ہے جو بلاتفریق رنگ و نسل عوام کی بے لوث خدمت پر یقین رکھتی ہے، احمد سلیم صدیقی

افطا رڈنر میں ایم کیوایم کی رابطہ کمیٹی ،حق پرست نمائندوں، ایم کیوایم کے ذمہ داران، کارکنان اور معززین شہر کی شرکت

حیدرآباد ۔۔۔15، جولائی 2014ء

متحدہ سوشل فورم حیدرآبادکے زیراہتمام الحرم ہال لطیف آبادمیں افطارڈنرکااہتمام کیاگیاجس میں رابطہ کمیٹی کے رکن احمدسلیم صدیقی،حق پرست اراکین اسمبلی سیدوسیم حسین،عائشہ آفتاب،صابرقائم خانی،دلاورقریشی،متحدہ سوشل فورم پاکستان کے مرکزی کمیٹی کے اراکین میر عبدالجبار میر جت، یوسف منیرشیخ، اراکین سندھ تنظیمی کمیٹی رشید بھیا، فہیم جاگیرانی، حیدر آباد زونل کمیٹی کے انچارج نویدشمسی ،جوائنٹ زونل انچارج راشد ممتازاور متحدہ سوشل فورم حیدرآباد ڈسٹرکٹ کے اراکین سمیت شہریوں کی بڑی تعدادمیں شرکت کی ۔اس موقع پر شرکاء سے خطاب کے دوران احمدسلیم صدیقی نے کہاکہ ایم کیوایم غریب ومتوسط طبقے کی جماعت ہے جوبلاتفریق رنگ ونسل عوام کی بے لوث خدمت پریقین رکھتی ہے ۔انہوں نے کہاکہ قائدتحریک الطاف حسین نے ہمیشہ دکھی انسانیت کی خدمت کادرس دیاہے ۔انہوں نے کہاکہ ایم کیوایم واحدجماعت ہے جس کے فلاحی ادارے خدمت خلق فاؤنڈیشن کی عملی خدمات کااعتراف مخالفین بھی کررہے ہیں،خدمت خلق فاؤنڈیشن نے ہرمشکل گھڑی میں مصائب کاشکارعوام کاساتھ دیااوراپنی بساط سے بڑھ کردکھی انسانیت کی مددکی۔انہوں نے افطارڈنرکے شرکاء کوقائدتحریک الطاف حسین کی جانب سے خوش آمدیدکہتے ہوئے ان کاشکریہ اداکیااورکہاکہ وہ آگے آئیں اورقائدتحریک الطاف حسین کے مشن ومقصدمیں ان کاساتھ دیں۔اس موقع پرمتعدداہم شخصیات نے متحدہ قومی موومنٹ کی عملی خدمات سے متاثرہوکرمتحدہ سوشل فورم میں اپنی باقاعدہ شمولیت کااعلان کیا۔