نیوز ویک کے تازہ شمارے کی مانگ میں اضافہ، بہت زیادہ مانگ ہونے کی وجہ سے شمارہ پہلے ہی فروخت ہوچکا ہے

نیوز ویک کی انتظامیہ سے مزید کاپیاں دکانوں پر فراہم کرنے کی درخواست کی ہے۔ امید ہے کہ جلد ہی اس شمارے کی مزید کاپیاں بک اسٹالز پر دستیاب ہوں گی۔ ندیم نصرت

لندن۔۔۔9 جولائی 2014ء

متحدہ قومی موومنٹ کی رابطہ کمیٹی کے سینئرڈپٹی کنوینرندیم نصرت نے ان تمام افراد سے معذرت کی ہے جوگزشتہ دوروزسے نیوزویک کا تازہ ترین شمارہ خریدنے کیلئے مختلف بک اسٹالز کے چکرلگارہے ہیں لیکن میگزین دستیاب نہ ہونے کی وجہ سے انہیں مایوسی سامنا کرنا پڑرہا ہے۔ انہوں نے کہاکہ ہمیں مسلسل یہ رپورٹس موصول ہورہی ہیں کہ نیوزویک کے تازہ ترین شمارہ میں قائد تحریک الطا ف حسین کا انٹرویو پڑھنے کے لئے عوام بڑی تعدادمیں نیوزاسٹالز کارخ کررہے ہیں لیکن بہت زیادہ مانگ ہونے کی وجہ سے یہ شمارہ پہلے ہی فروخت ہوچکا ہے۔ انہوں نے کہاکہ نیوزویک کی انتظامیہ سے ہمارا مسلسل رابطہ ہے اورہم نے ان سے مزیدکاپیاں دکانوں پر فراہم کرنے کی درخواست کی ہے ۔امیدہے کہ جلدہی اس شمارے کی مزیدکاپیاں بک اسٹالز پر دستیاب ہوں گی۔ انہو ں نے عوام سے اپیل کی کہ وہ صبرکریں اور اپنے قریبی بک اسٹال سے رابطے میں رہیں۔