قائد اعظم محمد علی جناح کی ہمشیرہ محترمہ فاطمہ جناح ؒ کی ۴۷ ویں برسی کے موقع پر ایم کیو ایم کے وفد کی محترمہ کے مزار پر حاضری
ایم کیوایم رابطہ کمیٹی کے اراکین ، ارکان اسمبلی اور شعبہ جات کی ذمہ داران نے حاضری دی ،جناب الطاف حسین
کی جانب سے پھول چڑ ھائے اور فاتحہ خوانی کی،
کراچی ۔۔۔9جولائی2014ء
متحد ہ قومی موومنٹ کے قائد الطاف حسین کی ہدایت پر ایم کیوایم کی رابطہ کمیٹی کے اراکا ن و سینیٹر نسرین جلیل ، ممتاز انوار ، افتخار اکبر رندھاوا اور شعبہ خواتین کی جوائنٹ انچارج و رکن سندھ اسمبلی نائلہ منیر ، رکن سندھ اسمبلی ارشد ووہرا ، مختلف شعبہ جات کی ذمہ دارن نے قائد اعظم محمد علی جناح ؒ کی ہمشیرہ و تحریک پاکستان کی عظیم رہنما محترمہ فاطمہ جناح کی ۴۷ ویں برسی کے موقع پرانکے مزار پر حاضری دی اور ان کی قومی و ملی خدمات پر انہیں خراج عقیدت پیش کیا ۔ اس موقع پر وفد نے جناب الطاف حسین کی جانب سے محترمہ فاطمہ جناح ؒ کے مزار پر پھول چڑھائے اور فاتحہ خوانی کی ۔