ایم کیو ایم رابطہ کمیٹی کے رکن افتخا ر اکبر رندھا وا کی ایچی سن کالج میں کوٹہ سسٹم ختم کرنے پر گورنر پنجاب کو خراج تحسین
پاکستان میں کوٹہ سسٹم کا فائدہ اُٹھا کر نا اہل افراد کو عہدوں پر فائز کر دیا جاتا ہے اس اقدام سے نا اہل افراد کی حوصلہ شکنی ہوگی، رکن رابطہ کمیٹی افتخار اکبر رندھا وا
کراچی ۔۔۔7جولائی2014ء
متحد ہ قومی موومنٹ کی رابطہ کمیٹی کے رکن افتخاراکبر رندھا وا نے ایچی سن کالج میں کوٹہ سسٹم ختم کرنے کے احسن اقدام پر گورنر پنجا ب چوہدری محمد سرور کو خراج تحسین پیش کرتے ہوئے کہاہے کہ کوٹہ سسٹم کے خاتمے سے قابلیت کو پروان چڑھنے اور مڈل کلاس سے محنتی اور قابل بچوں کو آگے آنے کا موقع ملے گا ۔رکن رابطہ کمیٹی نے کہا کہ بد قسمتی سے ہمارے ملک میں کوٹہ سسٹم کا فائدہ اُٹھا کر نا اہل افراد کو عہدوں پر فائز کر دیا جاتا ہے جس سے ملک کا نظام خراب ہوتا ہے۔انھوں نے کہا کہ گورنر پنجاب کے اس مثبت اقدام سے نااہل لو گوں کی حوصلہ شکنی ہو گی اور ملک میں اہل افراد کو آ گے لاکر سیاسی و معاشرتی نظام بہتر کر نے کا موقع ملے گا اورہم ملک میں میرٹ کو فروغ دیکر ہی آئندہ نسلوں کے لئے خوشحال ملک بناسکتے ہیں۔