جسٹس ناصر الملک کو سپر یم کورٹ کے چیف جسٹس کے عہدے کا حلف اٹھانے پر الطاف حسین کی مبارکباد
امیدہے کہ جسٹس ناصر الملک ماضی کے ججز کی طرح خودکومتنازعہ نہیں بنائیں گے ۔الطاف حسین
امیدہے کہ چیف جسٹس ناصرالملک انصاف کی فراہمی اور عدلیہ کے نظام کو بہتر بنانے کیلئے اپنا بھر پور کر دار ادا کریں گے،الطاف حسین
چیف جسٹس ناصر الملک زندگی کے ہرمعاملے میں انصاف سے کا م لیں گے تو مظلوم عوا م کی داد رسی ہوگی او ر انصاف کا بول بالا ہوگا ،الطاف حسین
لندن۔۔7جولائی 2014ء
متحدہ قومی موومنٹ کے قائد جناب الطا ف حسین نے جسٹس ناصر الملک کو سپر یم کورٹ آف پاکستان کے چیف جسٹس کے عہدے کا حلف اٹھانے پر دلی مبارکباد پیش کی ہے ۔ایک بیان میں جناب الطاف حسین نے امید ظاہر کی چیف جسٹس آف پاکستان جسٹس ناصرالملک انصاف کی فراہمی اور عدلیہ کے نظام کو بہتر بنانے کیلئے اپنا بھر پور کر دار ادا کریں گے اورماضی کے ججز کی طرح خودکومتنازعہ نہیں بنائیں گے ۔انہوں نے مزید کہا کہ چیف جسٹس آف سپریم کورٹ جسٹس ناصر الملک زندگی کے ہر معاملے میں انصاف سے کا م لیں گے تو مظلوم عوا م کی داد رسی ہوگی او ر انصاف کا بول بالا ہوگا ۔