جس طرح تحریک پاکستان کے دوران خواتین نے اپنا کردار ادا کیا ہے اسی طرح سے
آج بھی ملک کو بچانے کے لئے قوم کی مائیں ،بہنیں ،بیٹیا ں مسلح افواج کے
ساتھ ہیں۔کشور زہرہ واراکین شعبہ خواتین
ملک نازک اورکڑے وقت اور دہشت گردی کے باعث بدترین حالات سے دوچار ہے۔ ایم کیوایم شعبہ خواتین
سماجی تنظیموں سمیت خواتین کی فلاح وبہبود کے لئے قائم انجمنیں پاک وطن کی
حفاظت اور ہمارے کل کے لئے اپنا آج قربان کرنے والے جوانوں اور افسروں سے
اظہار یکجہتی کے لئے اتوار 6جولائی کے جلسہ عام میں بھرپور شرکت کریں،
کشور زہرہ وشعبہ خواتین کی اپیل
کراچی ۔۔۔05جولائی 2014ء
متحدہ قومی موومنٹ شعبہ خواتین کی انچارج اور رکن قومی اسمبلی محترمہ کشور
زہرہ واراکین کمیٹی نے کہا ہے کہ ملک جس نازک وقت اور بدترین حالات سے
دوچار ہے اس لئے ہماری پاک فوج ملک کی اساس اورنظریاتی سرحدوں کی حفاظت کے
لئے دہشت گردوں سے نبرد آزما ہے ۔ پوری قوم کی طرح تمام مائیں ،بہنیں
،بیٹیاں ملک کو دہشت گردوں سے نجات دلانے کے لئے مسلح افواج کے ساتھ ہیں ۔
اپنے ایک بیان میں انہوں نے کہا کہ وطن عزیز کو دہشت گردی کے عفریت سے نجات
دلانے اور ملک کی بقاء و سلامتی کیلئے پاک افواج کے افسران و جوان جام
شہادت نوش کر رہے ہیں ۔ انہوں نے کہا جس طرح تحریک پاکستان کے دوران خواتین
نے اپنا کردار ادا کیا ہے اسی طرح سے آج بھی ملک کو بچانے کے لئے قوم کی
مائیں ،بہنیں ،بیٹیا ں مسلح افواج کے ساتھ ہیں ۔ انہوں نے کہا کہ ایم
کیوایم کے قائد جناب الطاف حسین اور ایم کیو ایم نے متعدد بار پاک افواج
سے اظہار یکجہتی کامظاہرہ عملی طور پر بھی کر چکی ہے۔ انہوں نے کہا کہ
اتوار 6جولائی کو کراچی میں مسلح افواج سے اظہار یکجہتی کے لئے ہونے والا
اجتماع اس کا عملی ثبوت ہے ۔شعبہ خواتین کی انچارج و اراکین نے تمام سیاسی
اورسماجی تنظیموں سمیت خواتین کی فلاح وبہبود کے لئے قائم انجمنوں سے بھی
پر زور اپیل کی ہے کہ وہ پاک وطن کی حفاظت اور ہمارے کل کے لئے اپنا آج
قربان کرنے والے جوانوں اور افسروں سے اظہار یکجہتی کے لئے بھرپور ساتھ دیں
او رایم کیوایم کے تحت پاک افواج کے ساتھ اظہار یکجہتی کے اجتماع میں بھر
پور شرکت کریں ۔