ایم کیو ایم کے تحت 6جولائی کو ہونے والے جلسے کے انتظامات اپنے عروج پر ہیں

کے حق میں نعرے بلند کر رہے ہیں

کراچی ۔۔۔5جولائی 2014ء

متحدہ قومی موومنٹ کے تحت 6جولائی کو پاکستان کی مسلح افواج سے اظہار یکجہتی کیلئے ہونے والے عظیم الشان جلسے کی تیاریاں ذ ور و شور سے جاری ہیں۔ اس سلسلے میں ایم کیو ایم کے قائد الطاف حسین کی ہدایت پر رابطہ کمیٹی کے ڈپٹی کنوینر انجینئر ناصر جمال نے ایم کیو ایم کے شعبہ برائے خصوصی افراد PWD Wingکے خصوصی و معذور کارکنان کے لئے جدید سہولیات سے آراستہ ہائی ایس وین کا تحفہ دیا ہے ۔شعبہ خصوصی افراد کو خصوصی گاڑی دینے کی تقریب قائد اعظم محمد علی جناح کے مزار سے متصل جناح پارک میں منعقد ہوئی جس میں خصوصی افراد کے علاوہ ایم کیو ایم کے مختلف شعبہ جات کے ذمہ داران ، حق پرست اراکین اسمبلی ،عوام اور کارکنان کی بڑی تعداد موجود تھی جبکہ جلسہ گاہ میں ایم کیو ایم کی جانب سے سینکڑوں کی تعداد میں غبارے بھی فضا ء میں چھوڑے گئے ۔ ہرے اور سفید رنگ کے غباروں کے ساتھ پاکستان اور ایم کیو ایم کے پرچم او ر مختلف بینرز باندھے گئے تھے،بینرز پر پاکستان کی مسلح افواج سے یکجہتی کے لئے مختلف نعرے اور خراج تحسین کے کلمات درج تھے۔ اس موقع پر جلسہ گاہ میں آنے والے عوام میں جوش و خروش پایا جارہا ہے اور عوام ڈھول کی تاپ پر رقص کرتے اور پاک افواج کے حق میں نعرے بلند کرتے نظر آرہے ہیں۔