جناب الطاف حسین کے کروڑوں چاہنے والے 6 جولائی کو جناح پارک میں مسلح افواج سے اظہار یکجہتی کا مظاہر ہ کرکے ثابت کردیں گے کہ الطاف حسین کے چاہنے والے ملکی سلامتی کے لئے ہر اوّل دستے کا کردا ر ادا کرتے رہیں گے ۔اشفا ق احمد منگی

کراچی ۔۔۔5، جولائی 2014ء

متحدہ قومی موومنٹ (پاکستان )کراچی مضافاتی آرگنائزنگ کمیٹی کے زیر اہتمام بانی وقائد تحریک محترم الطاف حسین کی ہدایت پر پاکستان کی مسلح افواج سے سے اظہار یکجہتی کے حوالے سے جاری عوامی رابطہ مہم کے سلسلے میں علی اکبر شاہ گوٹھ ابراہیم حیدری سیکٹرمیں کارنر میٹنگ کا انعقاد کیا گیا جس میں رکن رابطہ کمیٹی وسندھ اسمبلی اشفاق احمد منگی ، انچارج KMOCفرخ اعظم ،جوائنٹ انچارجزاسلم بلوچ ،سید احمد رضا ، حق پرست رکن سندھ اسمبلی شیراز وحید ،رکن سید معین الدین احمد نے شرکت کی ۔ اس موقع پررکن رابطہ کمیٹی و سندھ اسمبلی اشفاق احمد منگی و حق پرست رکن سندھ اسمبلی شیراز وحید اور انچارج فرخ اعظم وجوائنٹ انچارج اسلم بلوچ نے کارنر میٹنگ کے شرکاء سے خطا ب کرتے ہوئے کہا کہ کہ جناب الطاف حسین ملک کو منجھدھارسے نکالنے کی جدوجہد کررہے ہیں، اس وقت پاکستان تاریخ کے انتہائی نازک ترین دور سے گزررہا ہے ملک کو اس وقت جتنی قومی یکجہتی کی ضرورت ہے اس سے قبل نہیں تھی ۔ انہوں نے کہا کہ جناب الطاف حسین نے اس بات کی ضرورت محسو س کی کہ ملک کے تمام طبقہ فکرکو اپنے ملک کی بہادر اور غیور مسلح افوا ج سے یکجہتی کا اظہار کرنا چاہیے اس حوالے سے 6 جولائی 2014ء بروز اتوار کو جناح پارک متصل مزار قائد پرپاکستان کی مسلح افواج سے اظہار یکجہتی کے لئے جلسہ کا انعقاد متحدہ قومی موومنٹ کے تحت کیا جارہا ہے جو جلسوں کی تاریخ میں ملک کا سب سے بڑا جلسہ ہوگا ۔ انہوں نے کہا کہ طالبان کے خلاف جاری آپریشن میں مسلح افوا ج کے جانثار سپاہی جس جواں مردی سے مقابلہ کررہے ہیں ۔ پاکستان کی مسلح افواج اس وقت استحکام پاکستان اور ملک کے بقاء کی جنگ لڑرہی ہے ۔ فوج کے جوان اپنی جانیں دے کر ملکی سا لمیت کے خلاف سازشوں کا آلہ کار بننے والوں کو صفحہ ہستی سے مٹارہے ہیں اس پرجتنا خراج تحسین پیش کیا جائے وہ کم ہے ۔ انہوں نے کہا کہ 6جولائی بروز اتوار کو جناح پارک میں تمام پاکستانی جمع ہوکر اپنی بہادرافواج سے یکجہتی کا اظہار کرکے یہ ثابت کردیں گے کہ وہ اکیلے نہیں ہیں بلکہ پاکستان کا بچہ بچہ اور ایک ایک فرد ان کے ساتھ کھڑا ہے اور ان کی کامیابی کے لئے دُعا گوہے۔ انہوں نے مزید کہاکہ جناب الطاف حسین کے چاہنے والے لاکھوں ،سندھی ،بلوچ ،کچھی ،بنگالی ،برمی ،پنجابی ،پختون ،سرائیکی ،کشمیری عوام کا6جولائی کو تاریخی یکجہتی کا مظاہرہ کریں گے۔