ملک کی مسلح افواج دہشتگردوں سے نبر د آزما ہیں اور اپنی جانوں کے نذرانے پیش کر رہے ہیں،ڈپٹی کنوینر انجینئر ناصر جمال

کراچی۔۔۔5جولائی2014ء

متحد ہ قومی موومنٹ کی رابطہ کمیٹی کے ڈپٹی کنوینر اور شعبہ اطلاعات کے انچار ج انجینئر ناصر جمال و اراکین نے کہا ہے کہ پاکستان کی مسلح افواج ملک کو دہشتگردی اور انتہا پسندی کی لعنت سے پاک کر نے کیلئے دہشتگردوں سے نبر د آزما ہیں اور اپنی جانوں کے نذرانے پیش کر رہے ہیں ۔ انھوں نے کہا کہ شمالی وزیرستان میں دہشتگردوں کے خلاف جاری آپریشن ضرب عضب صرف پاکستان میں نہیں بلکہ عالمی امن کے لئے بھی اہم ہے۔ایم کیو ایم شعبہ اطلاعات کیف انچارج و اراکین نے ٹیلی ویژن چینلز کے مالکان، الیکٹرانک و پرنٹ میڈیا سے تعلق رکھنے والے عہدیداران ، اینکر پرسنز،رپورٹرز، تجزیہ نگاروں ، اخباروں کے مدیران ، نائب مدیران اور ٹیلی ویژن و اخبارات سے تعلق رکھنے والی معروف شخصیات سے اپیل کی ہے کہ وہ 6جولائی کو ایم کیو ایم کے زیر اہتمام افواج پاکستان سے اظہار یکجہتی کیلئے منعقد ہونے والے عظیم الشان جلسے میں شرکت کرکے اس مشکل گھڑی میں مسلح افواج کو یقین دلا دیں کہ دہشتگردوں کے خلاف اور پاکستان کی بقاء کے لئے ملک کے ہر طبقے سے تعلق رکھنے والے افراد پاک افواج کے شانہ بشانہ کھڑے ہیں۔