چھ جولا ئی کو پاک افواج کے ساتھ اظہار یکجہتی کے سلسلے میں باغ جناح کراچی میں ہونے والا اجتماع پاکستان کی 66سالہ تاریخ کا تاریخی مظاہر ہ ہوگا ، ایم کیوایم بزرگ کمیٹی

کراچی۔۔4جولائی 2014ء 

متحدہ قومی موومنٹ کی بزرگ کمیٹی کے انچار ج و اراکین کمیٹی نے کہا ہے کہ ایم کیوایم کے تحت مورخہ 6جولائی بروز اتوار کو پاک افواج کے ساتھ اظہار یکجہتی کے سلسلے میں باغ جناح کراچی میں ہونے والا اجتماع پاکستان کی 66سالہ تاریخ کاسب سے بڑا مظاہر ہ ہوگا ۔اپنے ایک بیان میں انہوں نے کہا کہ پاکستان بنانے میں بزرگوں کا نہ صرف اہم کردار رہا ہے بلکہ لازوال قربانیاں بھی شامل ہیں اور جس جذبہ کے تحت ملک کو وجود میں لانے کیلئے قربانیاں دی ہیں آئند ہ بھی اسی جذبے کے تحت بزرگ اپنا تن، من دھن اس دھر تی کیلئے قربان کرنے کو تیار ہیں۔ انہوں نے کہا کہ پاکستان میں انتہاپسند دہشت گردوں کے خلاف جس جذبہ حب الوطنی سے سرشار ہوکر پاک افواج کے افسران اور جوان ملک کی بقاء و سلامتی کیلئے اپنی جانوں کی قربانیاں دے رہے ہیں اور دہشت گردوں کے ساتھ فیصلہ کن جنگ لڑنے میں مصروف عمل ہیں اس پر ملک بھر کے بزرگ پاک افواج کو خراج عقیدت وتحسین پیش کر تے ہیں او ر یقین دلا تے ہیں کہ اس کڑے اورمشکل وقت میں تمام بزرگ مسلح ا فوج کے ساتھ شانہ بشانہ کھڑے ہیں اور ملک کی خاطر کسی بھی قسم کی قربانی دینے سے بھی گریز نہیں کریں گے ۔ بزرگ کمیٹی کے انچارج و اراکین کمیٹی نے ملک بھر کے بزرگوں سے پر زور اپیل کی ہے کہ وہ 6جولائی بروز اتوار کو ایم کیوایم کے تحت کراچی کے باغ جناح میں پاک افواج سے اظہار یکجہتی کے سلسلے میں منعقدہ اجتما ع میں بھر پور شرکت کر کے ثابت کر دیں کہ ملک بھر کے بزرگ پاک افواج کے ساتھ تھے، ہیں اور رہینگے ۔