ایم کیو ایم کی رابطہ کمیٹی کے ارکان کاسابق وزیراعلیٰ سندھ لیاقت جتوئی اور سابق وفاقی وزیر جام معشوق علی سے علیحدہ علیحدہ ان کی رہائشگاہ پر ملاقاتیں

کراچی۔۔۔۔4جولائی 2014ء

متحدہ قومی موومنٹ کے تحت اتوار کو قائد اعظم کے مزار سے متصل جناح پارک میں پاک افواج سے اظہار یکجہتی کیلئے عظیم الشان جلسہ عام میں شرکت کیلئے عمائدین شہر اور مذہبی رہنماؤں کو دعوت دینے کا سلسلہ جاری ہے اس سلسلے میں جمعرات کے روز ایم کیو ایم کی رابطہ کمیٹی کے ارکان احمد سلیم صدیقی اور اشفاق منگی، ڈاکٹر صغیر احمد، عادل صدیقی نے معاون رابطہ کمیٹی وسیم اختر ، رکن سندھ اسمبلی ہیر سوہو، ایم کیو ایم کی سینٹرل ایگزیکٹو کونسل کے جوائنٹ انچارج غازی صلاح الدین اور کراچی مضا فاتی آرگنائزنگ کمیٹی کے انچارج فرخ اعظم کے ہمراہ سابق وزیراعلیٰ سندھ لیاقت جتوئی اورسا بق وزیراعلیٰ سندھ جام صادق علی کے صاحبزادے جام معشوق علی سے علیحدہ علیحدہ ان کی رہائشگاہ پر ملاقاتیں کی اور انہیں متحدہ قومی موومنٹ کے زیر اہتمام پاک افواج سے اظہاریکجہتی کیلئے مورخہ 6جولائی 2014ء جناح ؒ پارک میں منعقد ہونے والے عظیم الشان جلسہ عام میں شرکت کی دعوت دی ۔ ارکان رابطہ کمیٹی نے سیا سی رہنماؤں سے گفتگو کر تے ہوئے کہاکہ ملک دشمن عناصر کے خلاف پاک فوج کی جانب سے شمالی وزیر ستان اور دیگر علاقوں میں دہشت گردی کے خاتمے کیلئے جنگ لڑ رہے ہیں اور ملک میں بڑھتی ہوئی دہشت گردی اور انتہا ء پسند ی کے خلاف میدان عمل میں آجائیں۔ اس موقع پرسابق وزیراعلیٰ سندھ لیاقت جتوئی اور بق وزیراعلیٰ سندھ جام صادق علی کے صاحبزادے جام معشوق علی نے رابطہ کمیٹی کے ارکان کی آمد پر ان کا شکریہ ادا کیا اورانہوں نے ایم کیوایم کے اس اقدام کو سراہتے ہوئے جلسہ عام میں اپنی بھرپور شرکت کی یقین دہانی کرائی