ایم کیو ایم نے اندرون سندھ فرسودہ رسومات کا نشانہ بننے والی خواتین کو پنا ہ د یکرانہیں بحفاظت ملک سے باہر بھیجا، الطاف حسین

لندن ۔۔۔3جولائی2014ء

متحدہ قومی موومنٹ کے قائد الطاف حسین نے کراچی پریس کلب میں اپنے خطاب کے دوران کہا کہ کراچی میں بسنے والی تمام قومیتیں باشعور ہو گئی ہیں اور آپس میں لڑانے والے عناصر کو پہچان چکی ہیں لیکن اندرون سندھ آج بھی جاگیر دار وڈیرے ،سرمایہ دار فرسودہ نظام کے پیروکار بنے ہوئے ہیں اور ونی ،کاروکاری جیسی شرمناک رسومات کے نام پر متعدد سندھی بہن ، بیٹیوں کو پسند کی شادی کرنے پر قتل کر رہے ہیں ،لیکن الطاف حسین اور اسکی جماعت ایم کیو ایم نے اندرون سندھ کی متعدد بہن، بیٹیوں کو انکے شو ہروں کے ہمراہ ایم کیو ایم کے مرکز نائن زیرو پر پناہ دی اور انہیں بحفاظت ملک سے باہر بھجوایا لیکن سندھ کی نمائندہ جماعتوں نے سندھی بہن، بیٹیوں کی حفاظت کیلئے ایسا کوئی اقدام نہیں اٹھایا ۔