پاکستان کی افواج ’’ضرب عضب ‘‘میں ملک کو دہشتگردی کی لعنت سے پاک کرنے کی جدو جہد کر رہی ہے، متحدہ سوشل فورم

کر اچی ۔۔۔02؍جولائی2014ء

متحدہ سو شل فو رم کے انچارج واراکین نے کہا ہے کہ ملک موجودہ دور میں انتہائی نازک حالات سے گز رہا ہے اور ہماری مسلح افواج دہشتگردوں کے خلاف آپریشن ضرب عضب میں اپنی جانوں کے نذرانے پیش کرکے ملک کو دہشتگردی کی لعنت سے پاک کرنے کی جدو جہد کر رہی ہے ۔ اپنے مشترکہ بیان میں انہوں نے کہاکہ ایک ایک محب وطن پاکستانی کا فرض ہے کہ وہ ایم کیوایم کے قائد جناب الطاف حسین کی ہدایت پر 6جولائی کو افواج پاکستان سے اظہار یکجہتی اور انکے حوصلوں کو بلند کرنے کے لئے جناح پارک میں منعقد ہونے والے اجتماع میں بھرپور تعداد میں شرکت کرکے پاک افواج کے جوانوں کو یہ یقین دلا دیں کہ صرف زبانی کلامی ہی نہیں بلکہ عملی طور سے بھی پوری قوم اپنے ملک کے دفاع کے لئے اپنی افواج کے شانہ بشانہ کھڑی ہے ۔ متحدہ سوشل فورم کے انچارج و اراکین نے پاکستان سمیت دنیا بھر میں مقیم دانشوروں ، ادیبوں ، قلمکاروں ،فنکاروں ، شا عروں ، کالم نگاروں سمیت شعبہ فن و ادب سے وابستہ افراد سے اپیل کی ہے کہ وہ کراچی کے جناح پارک میں 6جولائی کو افواج پاکستان سے اظہاریکجہتی کے لئے منعقد ہونیوالے عظیم الشان اجتماع میں اپنے اہل و عیال،دوست احباب اور اپنے شعبے سے وابستہ شخصیات کے ہمراہ بڑی تعداد میں شرکت کرکے ثابت کردیں کہ مو جو دہ صورتحا ل میں پو ری قوم ملکی دفا ع کیلئے پاکستان کی مسلح افواج کے ہمراہ سیسہ پلا ئی دیو ار کی طر ح کھڑی ہے اور دہشتگردوں کے خلاف جنگ میں اپنی جانوں کے نذرانے دینے والے جو انو ں کی قربا نیوں کو رائیگاں نہیں جا نے دے گی۔