دہشت گردی اور انتہاء پسندی کی سوچ نے پاکستان کی ترقی کے تمام راستے روک دیئے ہیں،انجینئر ناصر جمال
پوری قوم پر ذمہ داری عائد ہوتی ہے کہ وہ فوج کے ساتھ شانہ بشانہ کھڑی ہو جائے ،ڈپٹی کنوینر ایم کیو ایم رابطہ کمیٹی
ایم کیو ایم کے تحت مورخہ 6جولائی 2014ء بروز اتوار کو مزار قائد سے متصل جناحؒ پارک میں منعد ہونے والا عظیم الشان جلسہ عام پاکستان کی تاریخ کا سب سے بڑا جلسہ عام ہوگا
ایم کیو ایم کی رابطہ کمیٹی کے ڈپٹی کنوینر انجینئر ناصر جمال کااراکین رابطہ کمیٹی کے ہمراہ
جناح ؒ پارک کے دورے کے موقع پر جلسہ گاہ میں تیاریوں میں مصروف ذمہ داران و کارکنان سے گفتگو
کراچی ۔۔30؍ جون 2014ء
متحدہ قومی موومنٹ کی رابطہ کمیٹی کے ڈپٹی کنوینر انجینئر ناصر جمال نے پیر کے روز مزار قائد سے متصل جناح ؒ پارک کا دورہ کیا اور پاک فوج سے اظہار یکجہتی کے لئے ہونے والے جلسے کے سلسلے میں جاری تیاریوں کا جائزہ لیا ۔ جلسہ گاہ میں موجود کارکنان اور ذمہ داران سے بات کرتے ہوئے رابطہ کمیٹی کے ڈپٹی کنوینر انجینئر ناصر جمال نے کہا کہ انشاء اللہ مورخہ 6؍ جولائی کا جلسہ پاکستان کی تاریخ میں ایک اہم سنگ میل ثابت ہوگا ۔ انہوں نے کہا دہشت گردی اور انتہاء پسندی کی سوچ نے پاکستان کی ترقی کے تمام راستے روک دیئے ہیں اور ایک ایسے وقت میں جب پاکستان کی مسلح افواج دہشت گردی کے خلاف فیصلہ کن معرکہ میں مصروف عمل ہے ۔ پوری قوم پر ذمہ داری عائد ہوتی ہے کہ و پاک فوج کے ساتھ شانہ بشانہ کھڑی ہو جائے ۔انجینئر ناصر جمال نے امید ظاہر کی متحدہ قومی موومنٹ کے تحت مورخہ 6جولائی 2014ء بروز اتوار کو مزار قائد کے سے متصل جناحؒ پارک میں منعقد ہونے والا عظیم الشان جلسہ عام پاکستان کی تاریخ کا سب سے بڑا جلسہ عام ہوگا اور پاکستان میں اب تک ہونے والے تمام جلسوں کا ریکارڈ توڑ دے گا ،( انشاء اللہ )۔جلسہ گاہ کے دورے کے موقع پر اراکین رابطہ کمیٹی کنور نوید جمیل ، توصیف خانزادہ خالد سلطان ، اسلم آفریدی اور کراچی تنظیمی کمیٹی کے ذمہ داران و دیگر بھی ان کے ہمراہ تھے