سیالکوٹ میں مکان کی چھت گرنے کے باعث ملبے تلے دب کرمعصوم بچوں اور خاتون سمیت متعدد افرادکے جاں بحق ہونے کے واقعے پرایم کیو ایم رابطہ کمیٹی کا اظہار افسوس

کراچی ۔۔۔28جون2014

متحدہ قومی مووومنٹ کی رابطہ کمیٹی نے سیالکوٹ کے علاقے گجّر خان میں مکان کی چھت گرنے کے باعث معصوم بچوں سمیت متعددافراد کے جاں بحق ہونے کے واقعے پرگہرے افسوس کااظہار کیا ہے ۔اپنے ایک بیان میں رابطہ کمیٹی نے اس اندوہناک حادثے میں جاں بحق ہونے والے افراد کے سوگوار لواحقین سے دلی ہمدردی اور تعزیت کا اظہار کرتے ہوئے کہا کہ دکھ کی اس گھڑی میں ایم کیو ایم آپ کے غم میں برابر کی شریک ہے ۔ انہوں نے دعا کی کہ اللہ تعالی اس حادثے میں جاں بحق ہونے والے افراد کی مغفرت کرے اورانہیں اپنی جوار رحمت میں جگہ عطا فرمائے اور سوگوار اہل خانہ کواس صدمے کو برداشت کرنے کا حوصلہ اور صبر جمیل عطا فرمائے ۔آمین