سعودی عرب ، متحدہ عرب امارات سمیت مشرقِ وسطیٰ میں موجود قائدِ تحریک جناب الطاف حسین کے جانثاروں سے اپیل ہے کہ 6 جولائی کو ایک دن کیلئے ضرور پاکستان آئیں، محبانِ پاکستان اوورسیز کے سربراہ رﺅف صدیقی

مورخہ 29 جون2014

محبانِ پاکستان اوورسیز کے سربراہ رﺅف صدیقی نے سعودی عرب، متحدہ عرب امارات سمیت مشرقِ وسطیٰ میں رہنے والے تمام نئے اور خصوصاً پرانے قائدِ تحریک جناب الطاف حسین کے جانثاروں سے اپیل کی ہے کہ اپنے پر کوئی بوجھ ڈالے بغیر اگر اللہ نے انہیں استطاعت دی ہے کہ وہ ایک دن کیلئے پاکستان آئیں اور 6 جولائی کو متحدہ قومی موومنٹ کی جانب سے مسلح افواج سے کی جانے والی اظہارِ یکجہتی ریلی میں ضرور شریک ہو کر اپنا قومی فریضہ ادا کریں۔ اس طرح افواجِ پاکستان کے شہیدوں سے عقیدت اور غازیوں سے اظہارِ محبت کرکے ثواب حاصل کریں۔ اس طرح ایک دن کی یہ ذمہ داریاں ادا کرنے کے بعد اپنے اپنے علاقوں میں واپس روانہ ہو سکتے ہیں۔رﺅف صدیقی نے مخیر حضرات سے کہا ہے کہ افواجِ پاکستان کے ساتھ اظہارِ یکجہتی کے اس کارِ خیر میں جو مالی معاونت کرنا چاہےں وہ اپنا حق ضرور ادا کریں، اللہ تعالی ان کے رزق میں ضرور برکت ادا فرمائیں گے۔