ٹی وی چینلزاور ریڈیوکے اعلیٰ حکام جو ش وخروش دلانے والے جنگی ترانے نشرکریں،الطاف حسین کی اپیل

لندن ۔۔29جون 2014ء

متحدہ قومی موومنٹ کے قائد جناب الطاف حسین نے الیکڑونک میڈیا سے تعلق رکھنے والے تما م ٹی وی چینلزاور ریڈیوکے اعلیٰ حکام پروڈیوسر صاحبان اور ڈائر یکٹر کو مخاطب کر تے ہوئے پر زور اپیل کی ہے کہ وہ جو ش وخروش دلانے والے جنگی ترانے ،جن کی ترانوں کی گونج سے فوجی جوانوں کے حوصلوں میں مزید توانائی پید ا ہوتی ہے انہیں دیگر پروگراموں کے ساتھ باقاعدگی سے اس وقت تک نشر کریں جب تک کہ پاک افواج مکمل طور پر دہشت گردوں او رانکی تمام کمین گاہوں کا مکمل صفایا نہیں کر دیتیں ۔ اپنے بیان میں جناب الطاف حسین نے کہا کہ پاکستان کو اس وقت پاکستان کی بد ترین جنگ کا سامنا ہے لہٰذا نشریاتی ادارے جو ش او رجذبے کو مزید توانائی فراہم کرنے والی خبریں شائع کریں ۔کیونکہ ایک ایک پاکستانی کوبخوبی سمجھ لینا چاہئے کہ اس جنگ کا خاتمہ اس مرتبہ now or never پر ہوگا ۔لہٰذا ایک ایک پاکستانی اپنی قومی ذمہ داریوں کا بھر پور طریقے سے احساس کرے اور جنگ کے نتیجے میں بیدخل ہونے والے خاندانوں یعنی IDPsکی دامے درمے سخنے مدد کریں اور اپنے عطیات خدمت خلق فاﺅنڈیشن کے مرکزی دفتر واقع بلاک 14فیڈ ر بی ایر یاکراچی میں جمع کرائیں ۔جناب الطاف حسین نے خواتین او رطالبات سے بھی اپیل کی کہ وہ بھی IDPs  کے امدادی کاموں میں بڑھ چڑھ کر حصہ لیں ۔