ایم کیوایم کے تحت مسلح افواج سے اظہار یکجہتی کیلئے اتوار کو کراچی میں عظیم الشان ریلی منعقد ہو گی
پاکستان کی مسلح افواج ملکی تاریخ کی مشکل ترین جنگ میں ملک دشمنوں کے خلاف صف آراء ہے، ڈاکٹر فاروق ستار
بیرون ملکوں میں رہنے والے محب وطن پاکستانی پاک فوج سے اظہار یکجہتی کیلئے 6جولائی کو منعقد ہونیو الی ریلی
میں زیادہ سے زیادہ تعداد میں شرکت کریں ، ڈاکٹر فاروق ستار کی اپیل
کراچی ۔۔۔28جون 2014ء
متحدہ قومی موومنٹ کے رکن اور سابق وفاقی وزیر ڈاکٹر فاروق ستار نے کہا ہے کہ یم کیوایم کے تحت مسلح افواج سے اظہار یکجہتی کیلئے 6جولائی بروز اتوار کو کراچی میں عظیم الشان ریلی منعقد ہو گی۔ پاکستان کی مسلح افواج ملکی تاریخ کی مشکل ترین جنگ میں ملک دشمنوں کے خلاف صف آراء ہے اور دہشت گردوں کے خلاف جنگ میں پاک فوج کے افسران اور جوان بہادری سے لڑتے ہوئے جام شہادت نوش او ربے پناہ قربانیاں دے رہے ہیں اور اس کے باوجود مسلح افواج کے افسروں اور جوانوں کے حوصلے چٹانوں کی طرح مضبوط سے مضبوط ترہوتے جارہے ہیں۔ انہوں نے بیرون ملکوں میں رہنے والے محب وطن پاکستانیوں سے اپیل کی کہ وہ پاک فوج سے اظہار یکجہتی کیلئے بروز اتوار 6جولائی کو منعقد ہونے والی ریلی میں زیادہ سے زیادہ تعداد میں شرکت کریں اور دہشت گردی کے خلاف اس فیصلہ کن جنگ میں افواج پاکستان کے ساتھ شانہ بشانہ کھڑے ہوں ۔