ڈاکٹرطاہرالقادری کی ایم کیوایم کے قائد الطاف حسین سے فون پر گفتگو، سانحہ 17جون لاہورکے بارے میں ہونیوالی آل پارٹیز کانفرنس میں شرکت کی دعوت دی

لندن۔۔۔28 جون 2014ء

پاکستان عوامی تحریک کے سربراہ ڈاکٹرطاہرالقادری نے ایم کیوایم کے قائدجناب الطاف حسین سے فون پر گفتگوکی اورانہیں اتوارکوہونے والی آل پارٹیز کانفرنس میں شرکت کی دعوت دی۔ڈاکٹرطاہرالقادری نے جناب الطاف حسین کوبتایاکہ یہ آل پارٹیزکانفرنس 17جون کوہونے والے سانحہ ماڈل ٹاؤن لاہور کے بارے میں ہورہی ہے جس میں دیگرسیاسی ومذہبی جماعتوں کوبھی مدعوکیاگیا ہے۔ دونوں رہنماؤں کے درمیان ملک کی سیاسی صورتحال پر بھی گفتگو ہوئی اوراس بات پراتفاق کیاگیاکہ سانحہ 17جون لاہورکی اعلیٰ سطحی تحقیقات ہونی چاہیے اورسانحہ کے ذمہ داروں کوسزاضرورملنی چاہیے۔جناب الطاف حسین نے ڈاکٹرطاہرالقادری اوران کے رفقاء سے سانحہ 17جون ماڈل ٹاؤن میں ان کے کارکنوں اورہمدردوں کی شہادت پر تعزیت کی۔ ڈاکٹر طاہر القادری نے جناب الطاف حسین سے ایم کیوایم کی رکن قومی اسمبلی محترمہ طاہرہ آصف کی شہادت پربھی تعزیت کی اوران کے قاتلوں کی گرفتاری کامطالبہ کیا۔