ایم کیوایم کے قائد الطاف حسین نے ایم کیوایم کے پارلیمانی لیڈر سید سردار احمد سے ٹیلی فون پر عیادت کی

لندن۔۔۔27، جون2014ء

متحدہ قومی موومنٹ کے قائد جناب الطاف حسین نے آغاخان اسپتال میں زیرعلاج ایم کیوایم کے سینئر رہنماء اورپارلیمینٹیرین سید سردار احمد سے ٹیلی فون پر گفتگو کی اور ان کی خیریت دریافت کی ۔واضح رہے کہ سیدسرداراحمدکوآج دوپہرعلالت کے باعث آغاخان اسپتال میں داخل کیاگیاتھا۔جناب الطاف حسین نے سیدسرداراحمدکی علالت پر اپنی تشویش کااظہارکیااوران کی صحتیابی کیلئے دعاکی۔ قبل ازیں جناب الطاف حسین نے سید سردار احمد کی صاحبزادی کوبھی فون کیااوران سے سیدسرداراحمدکی طبیعت کے بارے میں دریافت کیا۔انہوں نے جناب الطاف حسین کو بتایا کہ ڈاکٹروں کے مطابق اب ان کی حالت بہتر ہے تاہم انہیں مزید ٹیسٹ کیلئے انتہائی نگہداشت کے شعبہ میں رکھاجائے گا ۔ جناب الطاف حسین نے کہاکہ سیدسرداراحمد ایم کیوایم کے بزرگ اور سینئر رہنما ہیں اور انکی علالت سے مجھ سمیت ایم کیوایم کے تمام کارکنان کوتشویش ہے ۔انہوں نے دعا کی کہ اللہ تعالیٰ سید سردار احمد کو جلد سے جلد صحت یاب کرے