ایم کیوایم کے سینئر رہنما سید سردار احمد شدید علیل ہوگئے

کراچی۔۔۔27، جون2014ء

متحدہ قومی موومنٹ کے سینئر رہنماء ، ایم کیوایم کی جانب سے مختلف مناصب پر فائزہونے والے اور ایم کیوایم میں شمولیت سے قبل بیوروکریسی میں اعلیٰ سے اعلیٰ خدمات انجام دینے والے سید سردار احمد جمعہ کی صبح شدید علیل ہوگئے اورشدید علالت کے باعث انہیں آغاخان اسپتال منتقل کردیا گیاہے ، جہاں انتہائی نگہداشت کے شعبے میں انہیں طبی امداد فراہم کی جارہی ہے ۔

دریں اثناء ایم کیوایم کے قائد جناب الطاف حسین نے ایم کیوایم کے سینئر رہنما سید سردار احمد کی علالت پر گہری تشویش کااظہار کیا ہے اور ان کی جلد ومکمل صحت یابی کیلئے دعا کی ہے ۔ ایک بیان میں جناب الطاف حسین نے حق پرست ماؤں، بہنوں، بزرگوں اور کارکنوں سے اپیل کی کہ وہ سید سردار احمد کی جلد ومکمل صحت یابی کیلئے اللہ تعالیٰ کے حضورخصوصی دعا کریں۔