ایم کیو ایم کے کارکن ذیشان اقبال کو یاسین آباد قبرستان میں سپرد خاک کردیا گیا
کارکنان کے قتل میں ملو ث دہشتگرد حق پرستی سے خوف زدہ ہیں اور کارکنان کو نشانہ بنا رہے ہیں ، ایم کیوایم رابطہ کمیٹی
ذیشان اقبا ل شہید کی نماز جنازہ و تدفین میں ایم کیو ایم رابطہ کمیٹی کے اراکین ، حق پرست اراکین اسمبلی،کارکنا ن اور عوام نے شرکت کی
کراچی ۔۔۔26جون2014ء
متحدہ قومی موومنٹ کی رابطہ کمیٹی نے ایم کیو ایم یونٹ155فیڈرل بی ایریا سیکٹر کے کارکن ذیشان اقبال پر گزشتہ روز حسین آباد کے علاقے میں مسلح دہشتگردوں کی فائرنگ کی سخت الفاظ میں مذمت کی ہے ۔ رابطہ کمیٹی نے کہا کہ دہشتگرد ایم کیو ایم کے نظریے حق پرستی سے خوف زدہ ہیں اسی لئے وہ کارکنان و پے در پے نشانہ بنا کر شہر میں امن و امان کی صورتحال کو مزید خراب کرنے کی سازش کر رہے ہیں ۔ رابطہ کمیٹی نے وفاقی و صوبائی حکومت سے مطالبہ کیا کہ حکومت ایم کیوا یم کے کارکنان کے قتل میں ملوث دہشتگردوں کے خلاف سخت کار روائی عمل میں لائے اور بیگنا ہ کارکنان کو نشانہ بنانے والے عناصر کو بے نقاب کرے ۔ دریں اثنا ء شہید ذیشان اقبال کو آہوں اور سسکیوں کے درمیان ایم کیو ایم کے شہدا ء قبرستان یا سین آباد میں سپرد خاک کردیا گیا۔ ذیشان اقبال شہید کی نماز جنازہ حسین آباد میں واقع اوکھائی میمن مسجد میں ادا کی گئی ۔نما ز جنازہ اور تدفین میں ایم کیو ایم رابطہ کمیٹی کے اراکین احمد سلیم صدیقی ، عادل خان ، حق پرست اراکین اسمبلی خالد بن ولایت ، افتخار عالم سمیت کراچی تنظیمی کمیٹی کے اراکین ، سیکٹرز و یونٹس کے ذمہ داران ، کارکنا ن ، ہمدرد عوا م اور شہید کے اہل خانہ نے شرکت کی اور شہید ذیشان اقبال کے درجات کی بلندی اور لواحقین کے لئے صبر جمیل کی دعا کی ۔