جناب الطاف حسین کا ایم کیو ایم کے کارکن ذیشان اقبال کی شہادت پر اظہار افسوس
لندن ۔۔۔۔26جون2014ء
متحدہ قومی موومنٹ کے قائد الطاف حسین نے مسلح دہشتگردوں کی فائرنگ کے نتیجے میں ایم کیو ایم کے کارکن ذیشان اقبال کی شہادت پر گہرے دکھ اور افسوس کا اظہار کیا ہے ۔قائد تحریک الطاف حسین نے ذیشان اقبال شہید کے تمام سوگوار لواحقین سے دلی تعزیت کا اظہار کرتے ہوئے انہیں صبر کی تلقین کی ہے اور کہا ہے کہ اللہ مظلوموں کے ساتھ ہے لہٰذ ا شہید کے اہل خانہ اللہ کے انصاف پر بھروسہ رکھیں اور صبر کریں۔ جناب الطاف حسین نے ذیشان اقبال شہید کے درجات کی بلندی اور لواحقین کے لئے صبر جمیل کی دعا کی ہے ۔