نوشہرو فیروز اور کارساز پر مسافر بس الٹنے کے حادثہ میں متعدد مسافروں کے جاں بحق اور زخمی ہونے پر ایم کیوایم رابطہ کمیٹی کا اظہار افسوس
ملک میں ٹریفک قوانین پر عمل درآمد نہ ہونے کے سبب ٹریفک حادثات کے نتیجے میں انسانی جانوں کا ضیاع روز کا معمول بن گیا ہے، رابطہ کمیٹی
حادثات میں جاں بحق افراد کے درجات کی بلندی اور زخمیوں کی جلد و مکمل صحتیابی کے لئے دعا
کراچی ۔۔۔25، جون 2014ء
متحدہ قومی موومنٹ کی رابطہ کمیٹی نے نوشہرو فیروز اور کراچی کے علاقے کارساز کے مقام پر مسافر بسیں الٹنے کے حادثات کے نتیجے میں متعدد مسافروں کے جاں بحق اور زخمی ہونے پر افسوس کااظہار کیا ہے ۔ ایک بیان میں رابطہ کمیٹی نے کہاکہ شہر میں ٹریفک حادثات کی شرح میں اضافہ دیکھنے میں آرہا ہے اور اس کی بنیادی وجہ ٹریفک قوانین سے عدم واقفیت اور اس کے بنیادی اصولوں کیخلاف ورزی ہے۔ رابطہ کمیٹی نے واقع کے نتیجے میں قیمتی انسانی جانوں کے ضائع پر افسوس کا اظہار کرتے ہوئے حادثات کے نتیجے میں جاں بحق ہونے والے افراد کے درجات کی بلندی اور زخمیوں کی جلد و مکمل صحتیابی کے لئے دعا کی ہے ۔ رابطہ کمیٹی نے حادثات میں جاں بحق اور زخمی ہونے والے مسافروں سے دلی ہمدردی کااظہار کرتے ہوئے حکومت سندھ سے مطالبہ کیا کہ نوشہرو فیروز اور کارساز کے مقام پر مسافر بسیں الٹنے کے نتیجے میں زخمی ہونے والے مسافروں کے علاج و معالجہ میں کوئی کسر باقی نہ چھوڑی جائے اور ٹریفک حادثات کی روک تھام کیلئے مثبت اقدامات بروکر لا ئے جائیں ۔