ایم کیو ایم کے اراکین رابطہ کمیٹی کی ذمہ داران و کارکنان کے ہمراہ شہیدرکن قومی اسمبلی محترمہ طاہرہ آصف کی رہائشگاہ پر اہل خانہ سے ملاقات اور دلی تعزیت
وفد نے شہید کی تنظیمی خد مات پرانہیں زبردست خراج عقیدت پیش کیا اوردرجات کی بلندی کے لئے دعا کی
لاہور۔۔۔24جون2014ء
متحدہ قومی موومنٹ کی رابطہ کمیٹی کے اراکین کی ذمہ داران و کارکنان کے ہمراہ’’شہیدِ بیدار ی پنجاب‘‘ محترمہ طاہرہ آصف کی رہائشگاہ پر انکے اہلِ خانہ سے ملاقات کی اور دلی تعزیت اور افسوس کااظہار کیا۔ تعزیتی وفد میں اراکین رابطہ کمیٹی سید امین الحق ،خالد سلطان ،عبد الحسیب ،افتخار اکبر رندھاوا صوبائی تنظیمی کمیٹی پنجاب کے انچارج ارشاد ظفیر،حق پرست ارکان قومی اسمبلی آصف حسنین اور ریحان ہاشمی ،سینٹرل پنجاب کے انچارج عامر بلوچ و اراکین سمیت درجنوں کی تعداد میں کارکنان موجود تھے۔وفد نے شہید طاہرہ آصف کے لئے فاتحہ خوانی کی اور شہید کی تنظیمی خد مات پر انہیں زبردست خراج عقیدت پیش کیا اور کہا کہ حق پرستی کی جدوجہد میں شہیدطاہرہ آصف کی خدمات کو ہمیشہ یاد رکھا جائیگا۔ اس موقع پر شہید طاہرہ آصف کے درجات کی بلندی اور مغفرت کے لئے بھی دعا کی گئی۔