گزشتہ دنوں میں ایم کیو ایم کے19سے زائد بیگناہ کارکنان اور ہمدردوں کی گرفتاریوں پر ایم کیو ایم رابطہ کمیٹی کا اظہار تشویش

کراچی ۔۔۔24جون 2014ء

متحد ہ قومی موومنٹ کی رابطہ کمیٹی نے گزشتہ دنوں کے دوران ایم کیوا یم کے19سے زائد کارکنان اور ہمدردوں کی گرفتاریوں پر گہری تشویش کا اظہارکرتے ہوئے مطالبہ کیاہے کہ ایم کیوا یم کے بے گناہ کارکنان اور ہمدردوں کی بلا جواز گرفتاریوں کا سلسلہ بند کیا جائے ۔رابطہ کمیٹی نے کہا کہ بے گناہ افرادکی گرفتاریوں سے امن و امان کے لئے کئے جانے والے اقدامات کو نقصان پہنچے گا جبکہ شہر میں جاری ٹارگٹڈ آپریشن کے دوران سیکڑوں بے گناہ کارکنان اور ہمدردوں کوگرفتارکیا جاچکا ہے۔رابطہ کمیٹی نے کہا کہ کراچی میں دہشت گردوں کی کمین گاہیں موجود ہیں جس کے بارے میں ساری دنیا کو علم ہے مگر حیرت انگیز طور پران دہشتگردوں کی کمین گاہوں کو ختم کرنے کے بجائے صرف ایم کیوا یم کے بے گناہ کارکنان کو گرفتار کیاجا رہا ہے ۔رابطہ کمیٹی نے صدر پاکستا ن ممنون حسین ، وزیراعظم پاکستان میاں محمد نواز شریف ، وزیراعلیٰ سندھ سید قائم علی شاہ اوروفاقی وزیر داخلہ چوہدری نثار علی خان سے مطالبہ کیا ہے کہ وہ ایم کیوا یم کے بے گناہ کارکنان کی گرفتاریوں کا فوری نوٹس لیں اور ان کی ہرائی کے لئے اپنا کردار ادا کریں ۔