اسلام آباد میں صحافیوں پر لولیس کے لاٹھی چارج پر جناب الطاف حسین کااظہارمذمت

لندن۔۔۔24، جون 2014ء 

متحدہ قومی موومنٹ کے قائد جناب الطاف حسین نے اسلام آباد میں صحافیوں پر پولیس کے لاٹھی چارج کی مذمت کی ہے ۔ انہوں نے کہا کہ ایک ایسے وقت میں جب مسلح افواج اور سیکورٹی کے دیگر ادارے شمالی وزیرستان میں دہشت گردوں سے نبرد آزما ہیں اور آپریشن ضربِ عضب جاری ہے حکومت کی طرف سے ایسے اقدامات جن سے ملک میں اندرونی طور پر خلفشار اور انتشار برپا ہو انتہائی افسوسناک ہے ۔ جناب الطاف حسین نے کہاکہ اس وقت پوری قوم کو اور حکومت کو اپنی مسلح افواج کے ساتھ کھڑا ہونا چاہئے تاکہ دہشت گردی کے خلاف جاری جنگ میں کامیابی حاصل ہوسکے ۔ جناب الطاف حسین نے حکومت سے مطالبہ کیا کہ وہ صحافیوں پر اسلام آباد میں پولیس لاٹھی چارج کا فوری نوٹس لیں اور ذمہ دار افراد کے خلاف سخت ترین کارروائی عمل میں لائی جائے ۔ جناب الطاف حسین نے کہا کہ حکومت کو ایسے اقدامات کرنے چاہئیں جن سے ملک میں استحکام پیدا ہو نہ کہ ملک عدم استحکام اور بے یقینی کی کیفیت سے دوچار ہوجائے ۔