ایم کیو ایم برطانیہ کے زیراہتمام رکن قومی اسمبلی طاہرہ آصف شہید کے ایصال ثواب کے لئے قرآن خوانی و فاتحہ خوانی کا اجتماع حق پرست ارکان قومی اسمبلی ، یوکے کے آرگنائزر، ذمہ داران و کارکنان کی شرکت

لندن: 22جون2014ء

ایم کیو ایم برطانیہ کے زیراہتمام حق پرست رکن قومی اسمبلی طاہرہ آصف شہید کی روح کے ایصال ثواب کے لئے قرآن خوانی و فاتحہ خوانی کا اجتما ع منعقد کیا گیا اور شہید کو زبر دست خراج عقید ت پیش کیا گیا ۔قرآن خوانی کا اجتماع لندن کے علاقے ایجوئیر میں واقع ایم کیوایم برطانیہ کے آفس میں منعقد ہوا جس میں حق پرست رکن قومی اسمبلی علی راشد، سابق رکن قومی اسمبلی وسیم اختر، ایم کیو ایم برطانیہ کے آرگنائزرڈاکٹر سلیم دانش، جوائنٹ آرگنائزر سہیل خانزادہ ، اراکین آرگنائزنگ کمیٹی کے علاوہ ایم کیوایم برطانیہ کے مختلف یونٹس کے ذمہ داران و کارکنان نے شرکت کی ۔ اس موقع پر علی راشد ، ڈاکٹر سلیم دانش اور وسیم اختر نے شہید طاہر آصف کو زبردست خراج عقیدت پیش کرتے ہوئے کہا کہ شہید بہادر ،نڈر اور بے باک خاتون تھیں ان کی تنظیمی خدمات کو ہمیشہ یا د رکھا جائے گا انہوں نے ظالم قوتوں کے آگے سرکٹانا تو تسلیم کر لیا مگر سرجھکانا تسلیم نہیں کیا ۔ انہوں نے کہا کہ طاہر آصف کے قتل سے ایم کیوایم کے کارکنان کے حوصلے پست نہیں کئے جاسکتے۔مقررین نے حکومت پاکستان سے مطالبہ کیا کہ طاہر ہ آصف کے بہیمانہ قتل میں ملوث سفاک درندہ صفت دہشت گرد عناصر کو فوری گرفتار کرکے عبرتناک سز ا دی جائے ۔بعد ازاں شہید طاہرہ آصف، جناب الطاف حسین کے بڑے بھائی ناصر حسین ، بھتیجے عارف حسین اور شہید انقلاب ڈاکٹر عمران فاروق سمیت تمام حق پرست شہداء کی مغفرت سوگواران کیلئے صبر جمیل ، ایم کیوایم کی کامیابی ،ملک کی بقاء و سلامتی،ترقی و خوشحالی اور قائد تحریک الطاف حسین کی صحت و سلامتی کے لئے خصوصی دعائیں کی گئی۔