الطاف حسین کی شمالی وزیرستان میں خود کش حملے کی سخت الفاظ میں مذمت
پاک افواج اور دیگر سیکورٹی اداروں کی قربانیوں کے نتیجے میں انشا ء اللہ ملک کو دہشتگردی سے نجات ملے گی، الطاف حسین
ضرورت اس بات کی ہے کہ پوری قوم دہشت گردی کے خلاف جاری اس جنگ میں افواج پاکستان کے ساتھ کھڑی ہو، الطاف حسین
جناب الطاف حسین کا شہدا ء کے لواحقین سے اظہار ہمدردی اور شہید اہلکاروں کے درجات کی بلند ی کیلئے دعا
لندن ۔۔۔۔24جون2014ء
متحدہ قومی موومنٹ کے قائد الطاف حسین نے شمالی وزیرستان میں خود کش حملے کی سخت الفاظ میں مذمت کی ہے ۔جناب الطاف حسین نے حملے کے نتیجے میں 2سیکورٹی اہلکاروں کی شہادت اور دیگر کے زخمی ہونے پر گہرے دکھ اور افسوس کا اظہا کیا ہے ۔جناب الطاف حسین نے کہا کہ پاک افواج اور دیگر سیکورٹی ادارے دہشت گردی کے خلاف جاری آپریشن ضرب عضب میں جو قربانیاں دے رہے ہیں ان کے نتیجے میں انشا ء اللہ ملک کو دہشتگردی کے عفریت سے نجات مل جائے گی ۔جناب الطاف حسین نے کہا کہ ضرورت اس بات کی ہے کہ پوری قوم دہشت گردی کے خلاف جاری اس جنگ میں افواج پاکستان کے ساتھ کھڑی ہو ۔جناب الطاف حسین نے شہدا ء کے لواحقین سے ہمدردی کا اظہار کرتے ہوئے دعا کی کہ اللہ تعالیٰ شہداء کے درجات کو بلند کرے اور انہیں جنت الفردوس میں اعلیٰ مقام عطافرمائے ۔