حق پرست اراکین قومی وصوبائی اسمبلی اورسینیٹرزسمیت ایم کیوایم کے تمام کارکنان ایک دن کی تنخواہ آئی ڈی پیز کے قائم فنڈمیں جمع کرائیں، الطاف حسین کی ہدایت

لندن:۔۔۔23؍جون2014ء

متحدہ قومی موومنٹ کے قائد جناب الطاف حسین نے ایم کیو ایم کے اراکین قومی وصوبائی اسمبلی اورسینیٹرزکے ساتھ ساتھ تمام کارکنان کو ہدایت کی ہے کہ وہ اپنے ایک دن کی تنخواہ ملک کے شمالی علاقوں میں دہشت گردوں کے خلاف افواج پاکستان کی کارروائی کے نتیجے میں اپنے گھربارچھوڑنے پرمجبورہونے والے افرادیعنی آئی ڈی پیز کے لئے قائم فنڈمیں جمع کرائیں۔جناب الطا ف حسین نے کہاکہ ملک اس وقت اپنی تاریخ کے انتہائی نازک دورسے گزررہاہے اورافواج پاکستان ملک کودرپیش سب سے بڑے خطرے یعنی دہشت گردی سے نبردآزماہیں اورپوری قوم اسے وقت میں افواج پاکستان کی کامیابی کے لئے دعاگوہے اوریہ ہم سب کی ذمہ داری ہے کہ ایسے وقت میں دعاکے ساتھ ساتھ عملی طورپربھی اپنے فرائض پوراکریں۔جناب الطاف حسین نے کہاکہ ہمیشہ کی طرح ایم کیوایم کے اراکین اسمبلی وسینیٹ سمیت ایم کیوایم کے ایک ایک کارکن کوپہل کرنی چاہئے اوروہ فوری طورپراپنی ایک دن کی تنخواہ آئی ڈی پیز(IDP\'s) کے قائم فنڈمیں جمع کروائیں۔