ایم کیوایم رابطہ کمیٹی کے رکن یوسف شاہوانی کی وفدکے ہمراہ نواب چنگیز مری سے ملاقات

کوئٹہ ۔۔۔21جون2014ء

متحدہ قومی موومنٹ کی رابطہ کمیٹی کے رکن یوسف شاہوانی کی سربراہی میں ایم کیوا یم کے نمائندہ وفد نے کوئٹہ میں نواب خیر بخش مری کے صاحبزادے نواب چنگیز مری سے انکی رہاشگاہ پر ملاقات کی اور قائد تحریک جناب الطاف حسین کی جانب سے خیر بخش مری کے انتقال پر اظہار تعزیت کیا۔ ملاقات کے موقع پر یوسف شاہوانی نے نواب چنگیز مری سے اظہار ہمدردی کرتے ہوئے انکے والد کی مغفرت کے لئے دعا کی جس کہ بعد نواب چنگیز مری کو گزشتہ دنوں انکی دستار بندی کی مبارک باد بھی پیش کی۔اس موقع پر نواب چنگیز مری نے گزشتہ دنو ں لاہور میں ایم کیوا یم کی خاتون رکن طاہرہ آصف کے افسوس ناک قتل کی مذمت کی اور ایم کیو ایم کے کارکنان سے اظہار ہمدردی کیا۔ دریں اثناء ایم کیو ایم رابطہ کمیٹی کے ڈپٹی کنوینر ڈاکٹر خالد مقبول صدیقی نے بھی نواب چنگیز مری سے ٹیلی فونک رابطہ کرکے جناب الطاف حسین کی جانب سے انکے والد کے انتقال پر اظہار تعزیت اور دعائے مغفرت کی ۔