اسلام آباد کے نزدیک پنڈوریاں پیر چمن بادشاہ کے دربار میں دھماکہ پر جناب الطاف حسین کا اظہار مذمت
متعدد افراد کے زخمی ہونے پر دلی ہمدردی اور افسوس کا اظہار اور زخمیوں کی جلد صحتیابی کیلئے دعا
دہشت گردی کے ناسور نے پوری قوم کو عذاب میں مبتلا کر رکھا ہے
اب وقت آگیا ہے کہ اس ناسور کو جڑ سے اکھاڑ پھینکا جائے
دھماکے کے ذمہ دار عناصر کو فوری گرفتار کیا جائے، حکومت سے مطالبہ
لندن:۔۔20؍ جون 2014ء
متحدہ قومی موومنٹ کے قائد جناب الطاف حسین نے اسلام آباد میں کے نزدیک پنڈوریاں کے علاقے پیر چمن بادشاہ کے دربار پر عرس کی تقریبات کے دوران بم دھماکے کی شدید الفاظ میں مذمت کی ہے اور دھماکے کے نتیجے میں متعدد افراد کے زخمی ہونے پر دلی ہمدردی اور افسوس کا اظہار کیا ہے اور زخمیوں کی جلد صحتیابی کیلئے دعا کی ۔ اپنے ایک بیان میں جناب الطاف حسین نے کہا کہ دہشت گردی کے ناسور نے پوری قوم کو عذاب میں مبتلا کر رکھا ہے اور اب وقت آگیا ہے کہ اس ناسور کو جڑ سے اکھاڑ پھینکا جائے ۔
جناب الطاف حسین نے وزیراعظم پاکستان میاں محمد نوازشریف ، وزیر داخلہ چوہدری نثار علی سے مطالبہ کیا کہ اسلام آباد میں کے نزدیک پنڈوریاں کے علاقے پیر چمن بادشاہ کے دربار پر عرس کے کی تقریبات کے دوران بم دھماکے ذمہ دار عناصر کو فوری گرفتار کیا جائے اور عوام کو دہشت گردی سے تحفظ فراہم کیا جائے ۔ انہوں نے زخمیوں کی جلد صحتیابی کیلئے دعا بھی کی ۔