پنجاب کے شہر لیہ میں لڑکی کے ساتھ زیادتی و قتل کے بعد لاش درخت سے لٹکانے کے واقعے پر ایم کیو ایم شعبۂ خواتین کااظہار مذمت

کراچی ۔۔۔20جون2014ء

متحدہ قومی موومنٹ کے شعبۂ خواتین کی انچارج کشور زہرہ او ر اراکین نے پنجاب کے شہر لیہ میں نوجوان لڑکی کے اغواء وزیادتی کے بعد قتل اوراسکی لاش درخت سے لٹکانے کے واقعے کی شدید الفاظ میں مذمت کی ہے ۔ ایک مشترکہ بیان میں شعبۂ خواتین نے کہا کہ پاکستان بالخصوص پنجاب میں خواتین کے ساتھ زیادتی اور تشدد کے واقعات میں اضافہ ہوا ہے لیکن حکومت پنجاب کی جانب سے خواتین کی حفاظت کے لیے خا طر خواہ اقداما ت نہیں کئے جارہے ہیں ۔ایم کیوا یم شعبۂ خواتین نے وزیر اعلیٰ پنجاب میاں شہباز شریف سے مطالبہ کیا ہے کہ وہ اپنے صوبے میں خو ا تین کے ساتھ زیادتی او ر تشدد کے بڑھتے ہوئے واقعات کی روک تھام کے لئے ترجیحی بنیادوں پر اقدامات کریں اور لیہ میں پیش آنے والے افسوس ناک واقعے سمیت گزشتہ دنوں میں صوبہ پنجاب میں خواتین کے ساتھ زیادتی ان پر تشدد اور قتل کے واقعا ت میں ملوث درندہ صفت عناصر کو فی الفور گرفتار کرکے متا ثرین کو انصاف دلائیں ۔