حضرت لعل شہبازقلندرؒ کے مزار762عرس کی افتتاح تقریب میں رابطہ کمیٹی کے رکن عبدالحسیب کے ہمراہ ایم کیوایم کے وفدکی شرکت
ایم کیوایم کے وفدنے قائدتحریک جناب الطا ف حسین کی جانب سے مزارپرچادرچڑھائی اورخصوصی دعائیں کیں
کراچی۔۔۔17 جون 2014ء
متحدہ قومی موومنٹ کی رابطہ کمیٹی کے رکن وحق پرست صوبائی مشیرعبدالحسیب کے ہمراہ ایم کیوایم کے وفدنے معروف بزرگ ہستی حضرت لعل شہبازقلندرؒ کے 762 عرس مبارک کی افتتاحی تقریب میں شرکت کرکے مزارپرفاتحہ خوانی کی اورقائدتحریک جناب الطاف حسین کی جانب سے مزارپرچادرچڑھائی۔اس موقع پرانہوں نے قائد تحریک جناب الطاف حسین کی صحت ،سلامتی و تندرستی اوردرازی عمرسمیت حق پرست شہداء کی مغفرت،ان کے درجات کی بلندی ،ایم کیوایم کی کامیابی، اسیروں کی رہائی،لاپتہ کارکنان کی بحاظت واپسی سمیت ملک کی بقاء و سلامتی کے لئے اجتماعی دعائیں کیں۔ایم کیوایم کے وفدمیں سندھ تنظیمی کمیٹی کے ارکان خالدبگھیو،غلام رسول میمن،فہیم جاگیرانی،جامشوروزون کے انچارج ایوب خان اورجوائنٹ انچارج غلام نبی چنرواراکین زونل کمیٹی سمیت مضافاتی یونٹوں کے ذمہ داران وکارکنان شامل تھے۔