قائدتحریک الطاف حسین کا ڈاکٹر طاہرالقادری سے ٹیلی فون پر رابطہ
پاکستان عوامی تحریک کے کارکنان کی شہادت پر سوگوارلواحقین سے اظہارتعزیت
لندن۔۔۔17 جون 2014ء
متحدہ قومی موومنٹ کے قائد جناب الطاف حسین نے تحریک منہاج القرآن کے سربراہ علامہ ڈاکٹر طاہرالقادری کوٹیلی فون کرکے پنجاب پولیس کے ہاتھوں خواتین سمیت پاکستان عوامی تحریک کے کارکنان کی المناک شہادت پر دلی تعزیت اور افسوس کااظہارکیا ہے۔ جناب الطاف حسین نے ڈاکٹر طاہرالقادری سے گفتگو کرتے ہوئے ان کے کارکنان کی شہادت پر تعزیت کرتے ہوئے کہاکہ مجھ سمیت ایم کیوایم کے تمام کارکنان شہداء کے لواحقین ، آپ اور آپ کے ذمہ داران وکارکنان کے غم میں برابر کے شریک ہیں ۔ جناب الطاف حسین نے دعا کی کہ اللہ تعالیٰ تمام شہداء کو جنت الفردوس میں اعلیٰ مقام عطافرمائے اور پولیس کے وحشیانہ تشدد سے زخمی ہونے والے افراد کو جلدومکمل صحت یابی عطا کرے ۔(آمین) ڈاکٹر طاہر القادری نے اظہارہمدردی اور تعزیت پر جناب الطاف حسین کا شکریہ ادا کرتے ہوئے کہاکہ ایم کیوایم کے تعاون سے بہت حوصلہ ملا ہے اور انشاء اللہ ایم کیوایم اور پاکستان عوامی تحریک کاساتھ جاری رہے گا۔