کارکنان وعوام تحریک منہاج القرآن کے زخمی کارکنان کیلئے خون کے عطیات دیں
قائد تحریک الطاف حسین کی زندہ دلان لاہورسے اپیل
تحریک منہاج القرآن کے درجنوں کارکنان شدید زخمی حالت میں اسپتالوں میں زیرعلاج ہیں اور زندگی اورموت کی کشمکش میں مبتلا ہیں، الطاف حسین
لندن ۔۔۔17جون 2014ء
متحدہ قومی موومنٹ کے قائد جناب الطاف حسین نے زندہ دلان لاہور کے عوام بالخصوص ایم کیوایم کے کارکنان سے اپیل کی ہے کہ وہ لاہور میں پولیس کے وحشیانہ تشدد کے باعث شدید زخمی ہونے والے تحریک منہاج القرآن کے کارکنان کی زندگیوں کے تحفظ کیلئے خون کے عطیات دیں۔ ایک بیان میں جناب الطاف حسین نے کہاکہ لاہور میں پولیس اہلکاروں نے تحریک منہاج القرآن کے مرکز پر چڑھائی کے خلاف پرامن احتجاج کرنے والے کارکنان کو انسانیت سوز تشدد کا نشانہ بنایا جس کے نتیجے میں دو خواتین سمیت 7 کارکنان شہید ہوگئے جبکہ درجنوں کارکنان شدید زخمی حالت میں اسپتالوں میں زیرعلاج ہیں اور زندگی اورموت کی کشمکش میں مبتلا ہیں۔ جناب الطاف حسین نے لاہورکے عوام بالخصوص ایم کیوایم پنجاب کے ذمہ داران، کارکنان اور ہمدردوں سے اپیل کی کہ وہ اسپتال جاکر پاکستان عوامی تحریک کے زخمی کارکنان کی جانوں کے تحفظ کیلئے زیادہ سے زیادہ خون کے عطیات دیں۔